ଆତ୍ମସମର୍ପଣ କଲା ହାର୍ଡକୋର ମାଓବାଦୀ ଲକ୍ଷ୍ମଣ
ଆଜି ପୁଲିସ ନିକଟରେ ଆତ୍ମସମର୍ପଣ କରିଛି ହାର୍ଡକୋର ମାଓବାଦୀ ଲକ୍ଷ୍ମଣ ସେଣ୍ଡୁ ଓରଫ୍ ଲାଲସୁର। କଳାହାଣ୍ଡି ଏସପି ଶ୍ରବଣ ବିବେକ ଓ ଦକ୍ଷିଣ-ପଶ୍ଚିମାଞ୍ଚଳ ଡିଆଇଜି ରାଜେଶ ପଣ୍ଡିତଙ୍କ ଉପସ୍ଥିତିରେ ସେ ଆତ୍ମସମର୍ପଣ କରିଛି । ସେ ପ୍ରାୟ ୧୫ ବର୍ଷରୁ ଅଧିକ ଦିନ ହେବ ମାଓ ସଂଗଠନ ସହ ଜଡ଼ିତ ଥିଲା। ବଂଶଧାରା ଘୁମୁସର ନାଗାବଳୀ ମାଓ ଡିଭିଜନର ଏରିଆ କମାଣ୍ଡର ଭାବେ ଅଞ୍ଚଳରେ ଭୟ ବିସ୍ତାର କରି ରଖିଥିଲା ।
ଖବର ଅନୁଯାୟୀ, ଲାଲସୁର ଘର ଗଙ୍ଗଲୋର ଥାନା ଛତିଶଗଡ଼ରେ । ଲାଲସୁର ବୟସ ୩୦ ବର୍ଷ ହୋଇଥିବା ବେଳେ ୨୦୦୯ ମସିହାରେ ସେ ମାଓ ସଂଗଠନରେ ଯୋଗ ଦେଇଥିଲା । ସେ ୨ ବର୍ଷ ହେବ ଛତିଶଗଡ଼ରେ ରହିବା ପରେ ୨୦୧୧ରେ ଓଡିଶା ଆସିଥିଲା । ଗତ ୧୧ ବର୍ଷ ଧରି ଓଡିଶାରେ କାମ କରୁଥିଲା । ଏପିରିକି ସେ ଛତିଶଗଡ଼ ଏରିଆ କମିଟିର ସେକ୍ରେଟାରୀ ମଧ୍ୟ ଥିଲା । ପୂର୍ବରୁ ସେ ବିଭିନ୍ନ ମାଓବାଦୀ ସଂଗଠନ ସହ ସକ୍ରିୟ ରହିଥିବା ବେଳେ ତାଉପରେ ୫ଲକ୍ଷ ଟଙ୍କାର ପୁରସ୍କାର ରାଶି ମଧ୍ୟ ରହିଥିଲା । କଳାହାଣ୍ଡିର ବିଭିନ୍ନ ମାଓବାଦୀ ଘଟଣା ଯେପରି ୨୦୧୬ରେ ମନାସ୍କା, ୨୦୧୭ରେ ଭଟାଙ୍ଗପଦର, ୨୦୧୯ରେ ତୁର୍କେ, ୨୦୧୯ରେ କୋଟଲ ଘାଟି ଏବଂ ୨୦୨୦ରେ ଶୋଷପଦର ଘଟଣାରେ ସମ୍ପୃକ୍ତ ଥିଲା ବୋଲି ଡ଼ିଆଇଜି ସୂଚନା ଦେଇଛନ୍ତି ।
Powered by Froala Editor
