ନୂଆଦିଲ୍ଲୀରେ ପୁଣି ମାସ୍କ୍ ବାଧ୍ୟତାମୂଳକ, ନପିନ୍ଧିଲେ ଦେବାକୁ ପଡ଼ିବ ୫୦୦ ଟଙ୍କା ଜରିମାନା
ନୂଆଦିଲ୍ଲୀରେ ପୁଣି କୋଭିଡ୍ ମାସ୍କ୍ ପରିଧାନ ବାଧ୍ୟତାମୂଳକ କରାଯିବ ଏବଂ ମାସ୍କ୍ ନ ପିନ୍ଧିଲେ ୫୦୦ ଟଙ୍କା ଜରିମାନା ଦେବାକୁ ପଡ଼ିବ । ଦେଶରେ ପୁଣି କରୋନା ସଂକ୍ରମଣ ବଢିବା ପରେ ଆଜି ଆୟୋଜିତ ବୈଠକରେ ‘ଦିଲ୍ଲୀ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ’ ଏହି ନିଷ୍ପତ୍ତି ନେଇଛନ୍ତି। ମଙ୍ଗଳବାର ଦିଲ୍ଲୀରେ ୨୬ ପ୍ରତିଶତ କେସ୍ ବୃଦ୍ଧି ପାଇଛି। ଗତ ୨୪ ଘଣ୍ଟାରେ ୬୩୨ଟି ମାମଲା ସାମ୍ନାକୁ ଆସିଛି। ଫେବୃଆରୀ ୨୭ ପରେ ଏହା ସର୍ବାଧିକ ମାମଲା ବୋଲି ଜଣାପଡ଼ିଛି।
ସେହିପରି ରବିବାର ୫୦୦ଟି ମାମଲା ରେକର୍ଡ଼ କରାଯାଇଛି। ତେବେ ବୃଦ୍ଧି ପାଉଥିବା ସଂକ୍ରମଣକୁ ଦେଖି ଦିଲ୍ଲୀ ରାଜ୍ୟ ସରକାର ସ୍କୁଲ ପିଲାଙ୍କ ପାଇଁ କିଛି ଗାଇଡ୍ଲାଇନ୍ ଜାରି କରିଛନ୍ତି। ସ୍କୁଲ ଖୋଲା ରହିବ। ହେଲେ ସ୍କୁଲରେ ମାସ୍କ ବାଧ୍ୟତା ମୂଳକ କରାଯାଇଛି। କୋଭିଡ୍ ଟିକା ଉପରେ ଗୁରୁତ୍ୱ ଦିଆଯାଇଛି। ଦିଲ୍ଲୀ ବିପର୍ଯ୍ୟୟ ପ୍ରଶମନ ପରିଚାଳନା କର୍ତ୍ତୃପକ୍ଷ ମାସ୍କ ନପିନ୍ଧିଲେ ୫୦୦ ଟଙ୍କା ଜରିମାନା ଘୋଷଣା କରିଛନ୍ତି । ଏସଓପି ସଠିକ୍ ପାଳନ ଉପରେ ଗୁରୁତ୍ୱ ଦିଆଯାଇଛି। ସେହିପରି ସାମାଜିକ ଦୂରତା ବଜାୟ ରଖିବା ପାଇଁ ମଧ୍ୟ ପ୍ରାଥମିକତା ଦିଆଯାଇଛି।
Powered by Froala Editor
