ସିଦ୍ଧରମୈୟା, କୁମାରସ୍ୱାମୀଙ୍କ ସମେତ ୬୪ ଜଣଙ୍କୁ ହତ୍ୟା ଧମକ
କର୍ଣ୍ଣାଟକର ବିରୋଧୀ ଦଳର ନେତା ସିଦ୍ଧରମୈୟା, ପୂର୍ବତନ ମୁଖ୍ୟମନ୍ତ୍ରୀ କୁମାରସ୍ୱାମୀ ଏବଂ ପ୍ରଖ୍ୟାତ ସାହିତ୍ୟିକ କେ ଵୀରଭଦ୍ରାପ୍ପାଙ୍କ ସମେତ ୬୪ ଜଣଙ୍କୁ ମିଳିଛି ହତ୍ୟା ଧମକ । ମେସେଜରେ ଲେଖାଯାଇଛି ଯେ “ମୃତ୍ୟୁ ତୁମ ମୁଣ୍ଡ ଉପରେ ଘୁରି ବୁଲୁଛି, ଅନ୍ତିମ ସଂସ୍କାରର ପ୍ରସ୍ତୁତି କରିଦିଅ’ । ଏହି ଧମକ ସୋସିଆଲ ମିଡିଆରେ ଭାଇରାଲ ହେଉଛି।
ଭାଇରାଲ ହୋଇଥିବା ଏହି ମେସେଜର ଧମକ ଦେଇଥିବା ବ୍ୟକ୍ତି ଜଣକ ନିଜକୁ ଜଣେ ହିନ୍ଦୁ ବ୍ୟକ୍ତି ବୋଲି ପରିଚିତ କରିଛନ୍ତି । ବ୍ୟକ୍ତି ତାଙ୍କ ମେସେଜରେ ଲେଖିଛନ୍ତି – ତୁମେ ବିନାଶର ପଥରେ ଅଛ। ମୃତ୍ୟୁ ତୁମର ଅତି ନିକଟତର ହୋଇସାରିଛି । ବର୍ତ୍ତମାନ ପ୍ରସ୍ତୁତ ରୁହ । ତୁମର ପରିବାର ସଦସ୍ୟଙ୍କୁ ସୂଚନା ଦିଅ ଏବଂ ତୁମର ଅନ୍ତିମ ସଂସ୍କାର ପାଇଁ ବ୍ୟବସ୍ଥା କର । ଧମକ ଖବର ପ୍ରସାର ହେବା ପରେ ଏହି ମାମଲାକୁ ଗୁରୁତ୍ୱର ସହ ଗ୍ରହଣ କରି ପୁଲିସ ବିଭାଗ ତଦନ୍ତ ଆରମ୍ଭ କରିଛି।
Powered by Froala Editor
