କମେଡ଼ି କୁଇନ ଭାରତୀ ସିଂ ଓ ହର୍ଷ ଲିମ୍ୱାଚିଆ ତାଙ୍କ ଇନଷ୍ଟାଗ୍ରାମରେ ଖୁସି ଖବର ଦେଇଛନ୍ତି । ଭାରତୀ ମା ହୋଇଛନ୍ତି । ତାଙ୍କର ଏକ ପୁଅ ହୋଇଛି ବୋଲି ସେ ଇନଷ୍ଟାଗ୍ରାମରେ ପୋଷ୍ଟରେ ସୂଚନା ଦେଇଛନ୍ତି। ଭାରତୀ ଓ ହର୍ଷଙ୍କ ଏହି ଇନଷ୍ଟାଗ୍ରାମ ପୋଷ୍ଟକୁ ତାଙ୍କ ଫେନ୍ସ ଓ ଫଲୋଓର୍ସମାନେ ବହୁତ ପସନ୍ଦ କରିବା ସହ ସୋସିଆଲ ମିଡିଆରେ ଏହାକୁ ସେୟାର କରୁଛନ୍ତି । ଅନେକ ସେଲିବ୍ରିଟି ମଧ୍ୟ ତାଙ୍କୁ ଶୁଭେଚ୍ଛା ଦେଇଛନ୍ତି ।  

ଭାରତୀ ଏବଂ ହର୍ଷ ଇନଷ୍ଟାଗ୍ରାମରେ ଏକାଠି ଏକ ହାତରେ ଏକ ଡାଲା ଧରିଥିବାର ଫଟୋ ପୋଷ୍ଟ କରିଛନ୍ତି । ଏହି ଟୋକେଇରେ ଏକ ଶିଶୁ ଥିବା ପରି ଫଟୋ ସୁଟ୍ କରାଯାଇଛି । ଏହି ଫଟୋ ସହିତ ହର୍ଷ ଏବଂ ଭାରତୀ କ୍ୟାପସନରେ ଲେଖିଛନ୍ତି ଯେ ପୁଅଟିଏ ହୋଇଛି । ନିକଟରେ ଏଭଳି ଖବର ମଧ୍ୟ ଭାଇରାଲ ହୋଇଥିଲା ଯେ ଭାରତୀ ସିଂ ଏକ ଝିଅକୁ ଜନ୍ମ ଦେଇଛନ୍ତି । ଯାହାକୁ ପରେ ସୋସିଆଲ ମିଡିଆରେ ସିଧା ପ୍ରସାରଣ ଆସି ଭାରତୀ ଅସ୍ୱୀକାର କରିଥିଲେ । ସେ କହିଥିଲେ ଯେ ପୁଅ କିମ୍ବା ଝିଅ ଯାହା ବି ହେଉ ସେ ହିଁ ପ୍ରଶଂସକମାନଙ୍କୁ ପ୍ରଥମେ ସୂଚନା ଦେବେ। ଆହୁରି ବି କହିଛନ୍ତି କି, ‘ଆମ ପିଲା ଖୁବ୍ ମଜାଳିଆ ହେବ। କାହିଁକି ନା, ଆମେ ପତି-ପତ୍ନୀ ୨ ଜଣ ଯାକ ବେଶ୍‌ ମଜାଳିଆ’। ଆଉ ନିଜ ପ୍ରତିଶୃତି ମୁତାବକ ଭାରତୀ ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ ପୁଅଟିଏ ହୋଇଛି ବୋଲି ସୂଚନା ଦେଇଛନ୍ତି । ଏହି ଫଟୋ ସହିତ ହର୍ଷ ଓ ଭାରତୀ କ୍ୟାପସନରେ ଲେଖିଛନ୍ତି ଇଟ୍ସ ଏ ବୟ । ଏହା ସହ ରେଡ ହାର୍ଟ ଇମୋଜି ମଧ୍ୟ ରହିଛି।

Powered by Froala Editor