ଭାରତ ବନ୍ଦ, ରାସ୍ତା ଉପରେ ଅଟକିଲା ଆମ୍ବୁଲାନ୍ସ
ଭୁବନେଶ୍ବର: କେନ୍ଦ୍ର ସରକାରଙ୍କ ବିଭିନ୍ନ ନୀତିକୁ ବିରୋଧ କରି ଟ୍ରେଡ ୟୁନିୟନ ପକ୍ଷରୁ ଦୁଇ ଦିନିଆ ବନ୍ଦ ଡାକରା ଦିଆଯାଇଛି । ଏହାର ପ୍ରଭାବ ମଧ୍ୟ ଭୁବନେଶ୍ବରରେ ଦେଖିବାକୁ ମିଳିଛି । ଏକ ଘଣ୍ଟାଧରି ରାଜପଥ ଆବରୋଧ କରିଥିଲେ ଆନ୍ଦୋଳନକାରୀ । ଏହି ସମୟରେ ପଶ୍ଚିମବଙ୍ଗରୁ ଏମ୍ସ ଅଭିମୁଖେ ଆସୁଥିବା ଏକ ଆମ୍ବୁଲାନ୍ସ ଫସିରହିଥିଲା । ଏଭଳି ବିକଳ ଚିତ୍ର ଦେଖିବାକୁ ମିଳିଛି ଭୁବନେଶ୍ବର ସ୍ଥିତ ଆଚାର୍ୟ୍ୟ ବିହାର ନିକଟରେ ।
ସୂଚନାଅନୁସାରେ, ୧୪ ଦଫା ଦାବି ନେଇ ରାଜଧାନୀରେ ଶ୍ରମିକ ସଂଗଠନ କେନ୍ଦ୍ର ସରକାରଙ୍କ ଉପରେ ଗର୍ଜିଛନ୍ତି। ଏହି ସମୟରେ ପଶ୍ଚିମବଙ୍ଗରୁ ଏମ୍ସ ଅଭିମୁଖେ ଆସୁଥିବା ଏକ ଆମ୍ବୁଲାନ୍ସ ଟ୍ରାଫିକ ସମସ୍ୟାରେ ଆଚାର୍ୟଵିହାର ନିକଟରେ ଫସିରହିଥିବା ଘଟଣା ସାମ୍ନାକୁ ଆସିଛି ।ରାସ୍ତା ଉପରେ ଅଟକିଥିବାରୁ ଆମ୍ବୁଲାନ୍ସଟି ଆଗକୁ ଯାଇପାରିନଥିଲା । ଫଳରେ ଆମ୍ବୁଲାନ୍ସଟି ପଛକୁ ଫେରି ଟ୍ରାଫିକ କର୍ମଚାରୀଙ୍କ ନିର୍ଦ୍ଦେଶରେ ଅନ୍ୟରୁଟରେ ଏମ୍ସରେ ପହଞ୍ଚିଛି। କେବଳ ସେହି ରୋଗୀ ନୁହନ୍ତି ରୋଗୀଙ୍କ ସମ୍ପର୍କୀୟ ମଧ୍ୟ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ଦେଖିବାକୁ ମିଳିଛି ।
Powered by Froala Editor
