ଭୁବନେଶ୍ବର: ପୌର ନିର୍ବାଚନ ପାଇଁ ଚାଲିଛି ମତଦାନ । ଏଥର ପୌରାଧ୍ୟକ୍ଷ ଏବଂ ମେୟରଙ୍କୁ ସିଧାସଳଖ ବାଛୁଛନ୍ତି ସହରବାସୀ । ସକାଳ ୮ଟାରୁ ମତଦାନ ଚାଲିଥିବା ବେଳେ ଗଣତନ୍ତ୍ରର ଏହି ମହାପର୍ବରେ ସାମିଲ ହେଉଛନ୍ତି ଅନେକ ନେତାମନ୍ତ୍ରୀ । ଏହି କ୍ରମରେ କଂଗ୍ରେସ ମେୟର ପ୍ରାର୍ଥିନୀ ମଧୁସ୍ମିତା ଆଚାର୍ୟ୍ୟ ମଧ୍ୟ ଭୋଟ ଦେଇଛନ୍ତି । ମଧୁସ୍ମିତା ନିଜ ସହଯୋଗୀଙ୍କ ସହ ଆଇଆରସି ଭିଲେଜ ସ୍ଥିତ ସରକାରୀ ପ୍ରାଥମିକ ବିଦ୍ୟାଳୟ ୨୫୩ ନମ୍ବର ବୁଥରେ ମତଦାନ କରିଛନ୍ତି ।

ଭୋଟ ଦେବା ପରେ ମଧୁସ୍ମିତା ଆଚାର୍ୟ୍ୟ ଜନସାଧାରଣଙ୍କୁ ନିଜର ବହୁମୂଲ୍ୟ ଭୋଟ ଦେବାକୁ ଆହ୍ୱାନ କରିଛନ୍ତି । ସେ କହିଛନ୍ତି, ଭୋଟର ମୂଲ୍ୟ ବହୁତ ଅଧିକ । ସମାଜ ପରିବର୍ତ୍ତନ ଚାହୁଁଛି । ପରିବର୍ତ୍ତନ ଲାଗି ମତଦାନ କରିବା ନିହାତି ଆବଶ୍ୟକ । ଭୋଟ ବିନା ପରିବର୍ତ୍ତନ ଅସମ୍ଭବ । ଭୋଟ କମ୍ ହେଲେ ପରିବର୍ତ୍ତନର ଆଶା ମଉଳି ଯିବ । ତେଣୁ ନିଜେ ନିଜର ଅଧିକାର ସାବ୍ୟସ୍ତ କରନ୍ତୁ ।

ରାଜ୍ୟରେ ସକାଳ ୮ଟାରୁ ମତଦାନ ଆରମ୍ଭ ହୋଇଥିବା ବେଳେ ସନ୍ଧ୍ୟା ୫ଟା ଯାଏଁ ଚାଲିବ । ୪୭ଟି ମ୍ୟୁନିସିପାଲିଟି, ୫୯ଟି ଏନଏସି ଓ ୩ ମହାନଗର ନିଗମ ପାଇଁ ପଡୁଛି ଭୋଟ । ୪୦ ଲକ୍ଷରୁ ଅଧିକ ଭୋଟର ନିଜ ପସନ୍ଦର ପ୍ରତିନିଧିଙ୍କୁ ବାଛୁଛନ୍ତି । ଏଥିର ପ୍ରଥମ ଥର ପାଇଁ ମେୟର ଓ ପୌରାଧ୍ୟକ୍ଷ ପଦ ପାଇଁ ପ୍ରତ୍ୟେକ୍ଷ ନିର୍ବାଚନ ହେଉଛି । ନିର୍ବାଚନକୁ ଶାନ୍ତିଶୃଙ୍ଖଳାର ସହ କରିବା ପାଇଁ ସାରା ରାଜ୍ୟରେ ୧୯୫ ପ୍ଲାଟୁନ ପୋଲିସ ଫୋର୍ସ ମୁତୟନ ହୋଇଛନ୍ତି ।

Powered by Froala Editor