ପଶ୍ଚିମବଙ୍ଗ ବିଧାନସଭା ନିର୍ବାଚନରେ ବାଜିମାତ ପରେ ଏହା କହିଲେ ମମତା
କୋଲକାତା : ପଶ୍ଚିମବଙ୍ଗ ବିଧାନସଭା ନିର୍ବାଚନରେ ବାଜିମାତ କରିବା ପରେ ମମତା ବାନାର୍ଜୀ ହ୍ୱିଲଚେୟାର ଛାଡ଼ି ଚାଲିଚାଲି ନିଜ ସମର୍ଥକମାନଙ୍କୁ ଉଦବୋଧନ ଦେଇଛନ୍ତି ।
ମମତା ମଂଚ ଉପରକୁ ଆସି କହିଛନ୍ତିଯେ, ଏହି ଜିତ ବାଂଲାର ଜିତ । ବାଂଲାବାସୀଙ୍କ ଜିତ । ଜୟ ବାଂଲା । ଆପଣମାନେ ଜାଣନ୍ତି ଏବେ କୋଭିଡ଼ରେ ବହୁ ଲୋକ ସଂକ୍ରମିତ ହୋଇଛନ୍ତି । ତେଣୁ ଆପଣମାନେ ବିଜୟ ଉତ୍ସବ ପାଳନ କରନ୍ତୁ ନାହିଁ । କୋଭିଡ଼ ସଂକ୍ରମଣରୁ ସୁରକ୍ଷା ପାଇବା ପାଇଁ ଗହଳି କରନ୍ତୁ ନାହିଁ । କୋଭିଡ଼ ନିୟମ ମାନନ୍ତୁ । ସେ ସାମ୍ବାଦିକ ସମ୍ମିଳନୀ କରି କହିବେ ବୋଲି କହିଛନ୍ତି ।
ପଶ୍ଚିମବଙ୍ଗ ବିଧାନସଭା ନିର୍ବାଚନରେ ମମତା ବାନାର୍ଜୀଙ୍କ ଟିଏମସି ବାଜିମାତ କରିଛି । ନିର୍ବାଚନର ଚୂଡ଼ାନ୍ତ ଫଳାଫଳ ପ୍ରକାଶ ପାଇନଥିଲେବି ଦଳ ୨୧୦ ଆସନରେ ଆଗୁଆ ଅଛି । ଅପରପକ୍ଷରେ ମମତା ବାନାର୍ଜୀ ମଧ୍ୟ ୧୨ ଶହ ଭୋଟରେ ବାଜିମାତ କରିଛନ୍ତି ।
ଏସବୁ ଭିତରେ ସବୁଠୁ ବଡ ଖବର ହେଉଛି ନିର୍ବାଚନ ବେଳେ ଗୋଡ଼ରେ ଆଘାତ କାରଣରୁ ମମତା ହ୍ୱିଲଚେୟାରରେ ନିର୍ବାଚନ ପ୍ରଚାର କରିଥିଲେ । ତେବେ ଆଜି କିନ୍ତୁ ସେ ହ୍ୱିଲଚେୟାର ଛାଡ଼ି ଚାଲିଚାଲି ଯାଉଥିବା ଦେଖିବାକୁ ମିଳିଛି । ଯାହାକୁ ନେଇ ଏବେ ବେଶ ରୋଚକ ଚର୍ଚ୍ଚା ହେଉଛି ।
Powered by Froala Editor
