କୋଲକାତା : ସାରା ଦେଶର ନଜର ଏବେ ନନ୍ଦୀଗ୍ରାମ ଉପରେ  । ଜିଦରେ ମମତା ବାନାର୍ଜୀ ନିଜ ମୂଳ ଆସନ ଛାଡ଼ି ନନ୍ଦୀଗ୍ରାମରେ ଲଢ଼ିଥିବାବେଳେ ଏକଦା ତାଙ୍କର ଏକାନ୍ତ ଅନୁଗତ ଥିବା ଶୁଭେନ୍ଦୁ ଅଧିକାରୀ ତାଙ୍କ ବିରୋଧରେ ବିଜେପିରୁ ପ୍ରାର୍ଥୀ ହୋଇଛନ୍ତି  । ଏବେ ପୋଷ୍ଟାଲ ଭୋଟ ଗଣତି ସରିଥିବାବେଳେ ଇଭିଏମ ଗଣତି ବି ଆରମ୍ଭ ହୋଇଯାଇଛି  । ଶୁଭେନ୍ଦୁ ନିଜ ପ୍ରତିଦ୍ୱନ୍ଦ୍ୱୀ ମମତାଙ୍କ ଠାରୁ ପ୍ରାୟ ୭ ହଜାରରୁ ଉଦ୍ଧ୍ୱର୍ ଭୋଟରେ ଆଗୁଆ ଅଛନ୍ତି  । ଆହୁରି ବହୁ ରାଉଣ୍ଡ ଭୋଟ ଗଣତି ହେବାର ଥିବାରୁ ନନ୍ଦୀଗ୍ରାମର ଜନତା କାହା ସପକ୍ଷରେ ଭୋଟ ଦେଇଛନ୍ତି ତାହାର ସ୍ପଷ୍ଟ ଚିତ୍ର ଆସିପାରିନାହିଁ  । 

ସୂଚନାଯୋଗ୍ୟଯେ, ପଶ୍ଚିମବଙ୍ଗରେ ୨୯୨ ଆସନ ଥିବାବେଳେ ପୋଷ୍ଟାଲ ଭୋଟ ଗଣତିରେ ମମତାଙ୍କ ଟିଏମସି ୮୭ ଓ ବିଜେପି ୮୦ ଆସନରେ ଆଗରେ ରହିଛି । ଯେତେବେଳେକି କଂଗ୍ରେସ ଓ ବାମ ମେଂଟ ୪ ଆସନରେ ଆଗୁଆ ରହିଛି  । ନନ୍ଦୀଗ୍ରାମ ହେଉଛି ଶୁଭେନ୍ଦୁଙ୍କ ଗଡ଼  । ଉଭୟ ବାଜିମାତ କରିବା ନେଇ ଦୃଢ଼ ଆଶାବାଦୀ ରହିଛନ୍ତି  । ବିଜେପି ମଧ୍ୟ ନନ୍ଦୀଗ୍ରାମ ଉପରେ ସବୁଠାରୁ ଅଧିକ ଗୁରୁତ୍ୱ ଦେଇଥିଲା  ।
ସୂଚନାଯୋଗ୍ୟଯେ, ୨୦୧୬ ବିଧାନସଭା ନିର୍ବାଚନରେ ପଶ୍ଚିମବଙ୍ଗରେ ମମତା ବାନାର୍ଜୀଙ୍କ ଟିଏମସିକୁ ୨୧୧ ଆସନ ମିଳିଥିବାବେଳେ ସିପିଏମକୁ ୨୬ ଆସନରେ ସନ୍ତୁଷ୍ଟ ରହିବାକୁ ପଡ଼ିଥିଲା  । ସେହିପରି କଂଗ୍ରେସକୁ ୪୪, ଭାରତୀୟ ଜନତା ପାର୍ଟିକୁ ୩, ଅଲ ଇଣ୍ଡିଆ ଫରୱାଡର଼୍ ବ୍ଲକକୁ ୨, ଆରଏସପିକୁ ୩ ଆସନ ମିଳିଥିଲା  ।

Powered by Froala Editor