କାଉଣ୍ଟିଂ ଅପଡେଟ: ବିଜେଡି ୭୫୬, ବିଜେପି ୪୮, କଂଗ୍ରେସ ୩୭, ଅନ୍ୟ ୦୭
ଭୁବନେଶ୍ୱର: ଖୁବଶୀଘ୍ର ହେବାକୁ ଯାଉଛି ପଞ୍ଚାୟତ ଫଇସଲା । ଚାଲିଛି ତୃତୀୟ ଦିନର ଭୋଟ ଗଣତି । ଭୋଟ ବାକ୍ସରୁ ଖୋଲୁଛି ପ୍ରାର୍ଥୀଙ୍କ ଭବିଷ୍ୟତ । ତୃତୀୟ ଦିନରେ ୨୩୧ ଜିଲ୍ଲା ପରିଷଦ ଆସନ ପାଇଁ ଚାଲିଛି ଭୋଟ ଗଣତି । ତେବେ ଦିନ ୧ଟା ୩୯ ସୁଦ୍ଧା ଆସିଥିବା ଟ୍ରେଣ୍ଡ ମୁତାବକ ବିଜେଡି ୮୪୮ଜିଲ୍ଲା ପରିଷଦ ଜୋନ ମଧ୍ୟରୁ ୭୫୬ ଜୋନରେ ଆଗୁଆ ଅଛି । ସେହିପରି ବିଜେପି ୪୮ ଓ କଂଗ୍ରେସ ୩୭ ଓ ଅନ୍ୟ ଦଳ ୭ ଜୋନରେ ଆଗୁଆ ଅଛି ।
ଚଳିତ ପଞ୍ଚାୟତ ନିର୍ବାଚନରେ ବିରୋଧୀ ବିଜେପି ଓ କଂଗ୍ରେସ ମାଟି କାମୁଡ଼ି ପକାଇଛନ୍ତି । ସବୁଠାରୁ ବେଶୀ ଝଟକା ବିଜେପିକୁ ଲାଗିଛି । ୨୦୧୭ ପଞ୍ଚାୟତ ନିର୍ବାଚନରେ ଚମକାଇବା ଭଳି ସଫଳତା ହାସଲ କରିଥିବା ବିଜେପି ଲଜ୍ଜାଜନକ ପରାଜୟ ବରଣ କରିଛି । ରଣନୀତି ଓ ଦଳୀୟ ନେତୃତ୍ୱଙ୍କ ମଧ୍ୟରେ ସମନ୍ୱୟର ଅଭାବ ଯୋଗୁଁ ବିଜେପି ସବୁ ଜିଲ୍ଲାରେ ଖରାପ ପ୍ରଦର୍ଶନ କରିଛି । ଚଳିତ ପଞ୍ଚାୟତ ନିର୍ବାଚନରେ ବିଜୁ ଜନତା ଦଳ ଏକ ରେକଡର଼୍ ସୃଷ୍ଟି କରିବାକୁ ଯାଉଛି । ଦୀର୍ଘ ୨୨ ବର୍ଷର ଶାସନ କାଳରେ ବିଜେଡ଼ି ସର୍ବାଧିକ ଆସନରେ ବାଜିମାତ କରିବା ସ୍ପଷ୍ଟ ହୋଇଯାଇଛି ।
Powered by Froala Editor
