କରୋନା ସହାୟତା, ୭.୫ କୋଟି ଟଙ୍କା ଦେଲା ରାଜସ୍ଥାନ ରୟାଲ୍ସ
ନୂଆଦିଲ୍ଲୀ: ଭାରତରେ କରୋନା ଭୂତାଣୁ ସଂକ୍ରମଣ ଦିନକୁ ଦିନ ବଢ଼ିବାରେ ଲାଗିଛି । ପ୍ରତିଦିନ ସାଢେ଼ ୩ ଲକ୍ଷରୁ ଊଦ୍ଧ୍ୱର୍ ଜନସାଧାରଣ ସଂକ୍ରମିତ ହେଉଛନ୍ତି । ଭାରତ ସରକାରଙ୍କ ସମେତ ବିଭିନ୍ନ ରାଜ୍ୟ ସରକାର କରୋନା ସହ ଲଢେ଼ଇ ଜାରି ରଖିଛନ୍ତି । ଏହି ଲଢେ଼ଇରେ ଆଇପିଏଲ ଫ୍ରାଞ୍ଚାଇଜ ଦଳ ରାଜସ୍ଥାନ ରୟାଲ୍ସ ସାମିଲ ହୋଇଛି । ଆଜି ଫ୍ରାଞ୍ଚାଇଜ ପକ୍ଷରୁ ୭.୫ କୋଟି ଟଙ୍କାର ସହାୟତା ରାଶି ପ୍ରଦାନ କରାଯାଇଛି । ଏହି ରାଶି ରାଜସ୍ଥାନ ସମେତ ଦେଶରେ କରୋନା ସଂକ୍ରମିତଙ୍କ ଚିକିତ୍ସା କାର୍ଯ୍ୟରେ ବିନିଯୋଗ କରାଯିବ । ରାଜସ୍ଥାନ ରୟାଲ୍ସ ପକ୍ଷରୁ କୁହାଯାଇଛି ଯେ, ଫ୍ରାଞ୍ଚାଇଜ ପକ୍ଷରୁ ୭.୫ କୋଟି ଟଙ୍କାର କରୋନା ସହାୟତା ରାଶି ପ୍ରଦାନ କରାଯାଇଛି । ଖେଳାଳି, ଦଳ ମାଲିକ ଏବଂ ଟିମ ମ୍ୟାନେଜମେଣ୍ଟ କରୋନା ସହାୟତା ଲାଗି ପାଣ୍ଠି ସଂଗ୍ରହରେ ସାମିଲ ହୋଇଥିଲେ ।
Powered by Froala Editor
