ଭିଜିଲାନ୍ସ ରେଡ୍ ଜୋରଦାର; ଏଥର ଫଶିଲେ ସମ୍ବଲପୁର ଚିଫ୍ ଇଞ୍ଜିନିୟର
ସମ୍ବଲପୁର: ଗତ କିଛି ଦିନ ହେବ ରାଜ୍ୟରେ ଜୋରଦାର ଚାଲିଛି ଭିଜିଲାନ୍ସ ରେଡ୍ । ଆଜି ଭିଜିଲାନ୍ସ ଜାଲରେ ସମ୍ବଲପୁର ଚିଫ୍ ଇଞ୍ଜିନିୟର ତଥା ଚିଫ୍ ଇଲେକ୍ଟ୍ରିକାଲ ଇନସପେକ୍ଟର ସୁନୀଲ ପଣ୍ଡା ପଶିଛନ୍ତି । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ରେଡ୍ ଆଜି ତାଙ୍କ ଘରକୁ ଭିଜିଲାନ୍ସ ରେଡ୍ କରୁଛି । ସମ୍ବଲପୁର, ଖୋର୍ଦ୍ଧା ସମେତ ୪ଟି ସ୍ଥାନରେ ଏକକାଳୀନ ଭିଜିଲାନ୍ସ ଟିମ୍ ରେଡ କରିଛି ।
ସମ୍ବଲପୁର ଗ୍ରୀନ ପାର୍କରେ ଥିବା ତାଙ୍କ ବାସଭବନରେ ଭିଜିଲାନ୍ସ ଟିମ୍ ରେଡ କରିଛି । ଭୁବନେଶ୍ୱର ଖଣ୍ଡଗିରିରେ ଥିବା କସମୋପଲିସ ଘରେ ମଧ୍ୟ ରେଡ୍ ହୋଇଛି । ଏହାସହ ସୁନୀଲ ପଣ୍ଡାଙ୍କ କାର୍ଯ୍ୟାଳୟରେ ରେଡ୍ କରିଛି ଭିଜିଲାନ୍ସ । ତେବେ ଗତ କିଛି ଦିନ ହେବ ଇଲେକ୍ଟ୍ରିକାଲ ଇନସ୍ପେକ୍ଟର ସୁନୀଲ ପଣ୍ଡା ଭିଜିଲାନ୍ସ ସ୍କାନରରେ ରହିଥିଲେ ।
ତେବେ ଏପର୍ଯ୍ୟନ୍ତ ତାଙ୍କ ସମ୍ପତ୍ତି ବାବାଦରେ କିଛି ତଥ୍ୟ ମିଳିନାହିଁ । ଅନ୍ୟପଟେ ସୁନିଲ, ତାଙ୍କ ନାଁ’ରେ ମାତ୍ର ଗୋଟିଏ ଫ୍ଲାଟ ଅଛି ବୋଲି କହିଛନ୍ତି ।
Powered by Froala Editor
