ଗରିବ ମହିଳାଙ୍କୁ ମାଗଣାରେ ମିଳିବ ୩ଟି ଏଲପିଜି ସିଲିଣ୍ଡର
ଡେରାଡୁନ୍: ଉତ୍ତରାଖଣ୍ଡରେ ଆଗକୁ ହେବାକୁ ଥିବା ବିଧାନସଭା ନିର୍ବାଚନ ପରିପ୍ରେକ୍ଷୀରେ କେନ୍ଦ୍ର ସଡ଼କ ପରିବହନ ଓ ରାଜପଥ ମନ୍ତ୍ରୀ ନୀତୀନ ଗଡ଼କରୀ ବୁଧବାର ବିଜେପିର ନିର୍ବାଚନୀ ଇସ୍ତାହାର ଜାରି କରିଛନ୍ତି । ‘ଦୃଷ୍ଟିପତ୍ର, ୨୦୨୨’ ଶୀର୍ଷକ ସେହି ଘୋଷଣାପତ୍ରରେ ଭିତ୍ତିଭୂମି ବିକାଶ, ପର୍ଯ୍ୟଟନ, ଦେଶାନ୍ତରୀକରଣକୁ ରୋକିବା, ରୋଜଗାର ସୃଷ୍ଟି କରିବା, ମହିଳା, ଚାଷୀଙ୍କ ସଶକୀକରଣ ଉପରେ ଫୋକସ୍ ରହିଛି ଇସ୍ତାହାର ଜାରି କରି ଗଡ଼କରୀ କହିଛନ୍ତି, ରାଜ୍ୟରେ ଅନେକ ବିକାଶମୂଳକ କାମ କରିଛୁ ଓ ଆଗକୁ କରି ଦେଖାଇବୁ ।
ଗରିବ ମହିଳାଙ୍କୁ ୩ଟି ଏଲ୍ପିଜି ସିଲିଣ୍ଡର ମାଗଣାରେ ଦେବୁ । ଚାଷୀଙ୍କୁ ସମ୍ମାନନିଧି ଦିଆଯିବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଉତ୍ତରାଖଣ୍ଡକୁ ଦେଶର ସର୍ବଶ୍ରେଷ୍ଠ ରାଜ୍ୟ କରାଯିବା ଲାଗି ପ୍ରତିଶ୍ରୁତି ଦେଇଛନ୍ତି । ତାକୁ ଧ୍ୟାନରେ ରଖି ଦୃଷ୍ଟିପତ୍ରରେ ବିଭିନ୍ନ ବିକାଶ ଯୋଜନାକୁ ସାମିଲ କରାଯାଇଛି । ଇସ୍ତାହାର ଜାରି କରାଯିବା ସମୟରେ ରାଜ୍ୟ ବିଜେପି ସଭାପତି ମଦନ କୌଶିକ, ଇସ୍ତାହାର କମିଟିର ଅଧ୍ୟକ୍ଷ ରମେଶ ପୋଖରିୟାଲ ନିଷକ, କେନ୍ଦ୍ରମନ୍ତ୍ରୀ ପ୍ରହ୍ଲାଦ ଯୋଶୀ, ରାଜ୍ୟସଭା ସାଂସଦ ନରେଶ ବନ୍ସଲ ପ୍ରମୁଖ ଉପସ୍ଥିତ ଥିଲେ ।
Powered by Froala Editor
