ଆଜିଠୁ ୪ ଦିନିଆ ମହାରାଷ୍ଟ୍ର-ତେଲେଙ୍ଗାନା ଗସ୍ତରେ ଯିବେ ରାଷ୍ଟ୍ରପତି
ନୂଆଦିଲ୍ଲୀ: ଆଜିଠୁ ୪ଦିନିଆ ମହାରାଷ୍ଟ୍ର ଓ ତେଲେଙ୍ଗାନା ଗସ୍ତରେ ଯିବେ ରାଷ୍ଟ୍ରପତି ରାମନାଥ କୋବିନ୍ଦ । ଏନେଇ ଗତକାଲି ରାଷ୍ଟ୍ରପତି ଭବନ ପକ୍ଷରୁ ସୂଚନା ପ୍ରଦାନ କରାଯାଇଛି । ଏହି ଚାରିଦିନିଆ ଗସ୍ତ କାର୍ୟ୍ୟକ୍ରମରେ ରାଷ୍ଟ୍ରପତି ଅନେକ କାର୍ୟ୍ୟକ୍ରମରେ ଯୋଗ ଦେବାର କାର୍ୟ୍ୟକ୍ରମ ରହିଛି । ଫେବୃଆରୀ ୧୦ରେ ରାଷ୍ଟ୍ରପତି ମହାରାଷ୍ଟ୍ରରେ ପହଞ୍ଚିବା ପରେ ୧୧ ତାରିଖରେ ମୁମ୍ବାଇର ରାଜଭବନରେ ନୂତନ ଦରବାର ହଲର ଉଦଘାଟନ କରିବେ ।ଏହାପରେ ଫେବୃଆରୀ ୧୨ରେ ମହାରାଷ୍ଟ୍ରର ରତ୍ନାଗିରି ଜିଲ୍ଲାର ଅମ୍ବାଡାୱେ ଗ୍ରାମରେ ପହଞ୍ଚି ଡ.ବାବାସାହେବ ଆମ୍ବେଦକର ମେମୋରିଆଲ ପରିଦର୍ଶନ କରିବେ ।ଫେବୃଆରୀ ୧୩ରେ ହାଇଦ୍ରାବାଦରେ ପହଞ୍ଚି ସନ୍ଥ ରାମାନୁଜ ସହସ୍ରାବଡି ସମାରୋହରେ ସାମିଲ ହେବେ । ଏଥିସହ ରାମାନୁଜାଚାର୍ୟ୍ୟଙ୍କ ଏକ ସୁନା ମୂର୍ତ୍ତିକୁ ଉନ୍ମୋଚନ କରିବେ ।ଏହାପୂର୍ବରୁ ଫେବୃଆରୀ ୫ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ହାଇଦ୍ରାବାଦ ଗସ୍ତରେ ଆସି ରାମାନୁଜାଚାର୍ୟ୍ୟଙ୍କ ସ୍ମୃତିରେ ୨୧୬ ଫୁଟ ଉଚ୍ଚତା ବିଶିଷ୍ଟ ‘ଷ୍ଟାଚ୍ୟୁ ଅଫ୍ ଇକ୍ୱାଲିଟି’ର ଲୋକାର୍ପଣ କରିଥିଲେ ।
Powered by Froala Editor
