ଇରାନରେ ଜଣେ ସ୍ୱାମୀର ବର୍ବର କାଣ୍ଡ ଦେଖି ଲୋମଟାଙ୍କୁରି ଉଠିଛି । ସାତ ଜନ୍ମ ପାଇଁ ହାତ ଧରିଥିବା ସ୍ତ୍ରୀକୁ ହତ୍ୟା କରିବା ପରେ କଟା ମୁଣ୍ଡକୁ ଧରି ରାସ୍ତାରେ ବୁଲୁଛି । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଭାଇରାଲ ହୋଇଥିବା ଭିଡିଓରେ ଦେଖିବାକୁ ମିଳିଛି ଯେ ହତ୍ୟାକାରୀ ସ୍ୱାମୀ ସ୍ତ୍ରୀର କଟା ମୁଣ୍ଡ ଧରି ହସି ହସି ବୁଲୁଛି । ତାଙ୍କର ଆଉ ଗୋଟିଏ ହାତରେ ଏକ ବଡ ଛୁରୀ ମଧ୍ୟ ଅଛି। ଇରାନ ପୁଲିସ ଉକ୍ତ ହତ୍ୟାକାରୀ ସ୍ୱାମୀକୁ ଗିରଫ କରିଛି। ଏଥିସହ ହତ୍ୟାରେ ସମ୍ପୃକ୍ତ ଥିବା ଆଉ ଦୁଇ ଜଣଙ୍କୁ ମଧ୍ୟ ପୁଲିସ ଅଟକ ରଖିଛି।

ମୃତ ଯୁବତୀ ଜଣକ ହେଲେ ମୋନା ହେଦରୀ। ତାଙ୍କ ବୟସ ୧୭ ବର୍ଷ। ମୋନାଙ୍କୁ ତାଙ୍କ ସ୍ୱାମୀ ଓ ଦେଢ଼ଶୁର ମିଶି ଇରାନ ଦକ୍ଷିଣ-ପଶ୍ଚିମ ସହର ଅହଭାଜରେ ହତ୍ୟା କରିଥିବା ପୁଲିସ ସନ୍ଦେହ କରୁଛି।

ଏହି ଘଟଣା ପରେ ମହିଳାମାନେ ସ୍ୱର ଉଠାଇବା ଆରମ୍ଭ କରିଦେଇଛନ୍ତି। ହେଦରୀଙ୍କ ହତ୍ୟା ପରେ ଦେଶରେ ଝିଅମାନଙ୍କ ନିର୍ଦ୍ଧାରିତ କରାଯାଇଥିବା ବୟସୀମାକୁ ବୃଦ୍ଧି କରିବାକୁ ଦାବି କରାଯାଉଛି। କାରଣ ବର୍ତ୍ତମାନ ଇରାନରେ ୧୩ ବର୍ଷରେ ଝିଅମାନେ ବିବାହ କରିପାରବେ ବୋଲି ଆଇନଗତ ନିୟମ ରହିଛି। ମୋନା ହେଦରୀଙ୍କୁ ଯେତେବେଳେ ମାତ୍ର ୧୨ ବର୍ଷ ବୟସ ହୋଇଥିଲା ସେତେବେଳେ ସେ ବିବାହ କରିଥିଲେ। ତାଙ୍କର ୩ ବର୍ଷର ଏକ ପୁଅ ମଧ୍ୟ ଅଛି।

Powered by Froala Editor