ଗୁରମିତ ସିଂହକୁ ମିଳିଲା ୨୧ ଦିନର ଛୁଟି
ଦୁଷ୍କର୍ମ ଓ ହତ୍ୟା ଭଳି ଏକାଧିକ ମାମଲାରେ ଦୋଷୀ ସାବ୍ୟସ୍ତ ହୋଇଥିବା ଡେରା ସଚ୍ଚା ସୌଦାର ମୁଖ୍ୟ ତଥା ଆତ୍ମଘୋଷିତ ବାବା ଗୁରମିତ ସିଂହକୁ ହରିୟାଣା ସରକାର ୨୧ ଦିନିଆ ପାରୋଲରେ ଯିବାକୁ ଅନୁମତି ଦେଇଛନ୍ତି। ଏହା ପ୍ୟାରୋଲ ଭଳି। ଅର୍ଥାତ ଲମ୍ବା ସମୟ ଧରି ଜେଲ ଦଣ୍ଡ ପାଇଥିବା କଏଦୀଙ୍କୁ କିଛି ନିର୍ଦ୍ଦିଷ୍ଟ ସମୟ ପାଇଁ ଛୁଟି ମିଳିଥାଏ। ଏହା ଆଇନ ପରିସର ଭୁକ୍ତ। ଏହି ନିୟମ ଅନୁସାରେ ଗୁରମିତ ଏବେ ୨୧ ଦିନ ପାଇଁ ଜେଲ ବାହାରେ ରହିପାରିବ। ଅପରପକ୍ଷେ, ପଞ୍ଜାବ ନିର୍ବାଚନ ପୂର୍ବରୁ ପାରୋଲ ମିଳିବାକୁ ନେଇ ଅନେକ ରାଜନୈତିକ ଅର୍ଥ ମଧ୍ୟ ବାହାର କରାଯାଉଛି।
ଗୁରମିତ ଏବେ ରୋହତକ ଜିଲ୍ଲାର ସୁନାରିଆ ଜେଲରେ ଅଛି। ଗୁରମିତ ନିଜର ଦୁଇ ଜଣ ମହିଳା ଅନୁଗାମୀଙ୍କୁ ଦୁଷ୍କର୍ମ କରିବା ମାମଲାରେ ଦୋଷୀ ସାବ୍ୟସ୍ତ ହୋଇଛି। ଏଥିପାଇଁ ତା’କୁ ୨୦୧୭ ମସିହାରେ ୨୦ ବର୍ଷ ଜେଲ ଦଣ୍ଡରେ ଦଣ୍ଡିତ କରାଯାଇଥିଲା। ଏହାପରେ ସ୍ୱତନ୍ତ୍ର ସିବିଆଇ କୋର୍ଟ ଡେରା ସଚ୍ଚା ସୌଦାର ପୂର୍ବତନ ମ୍ୟାନେଜର ରଣଜିତ ସିଂହଙ୍କ ହତ୍ୟା ମାମଲାରେ ତା’କୁ ଅକ୍ଟୋବର ମାସରେ ଆଜୀବନ ଜେଲ ଦଣ୍ଡରେ ଦଣ୍ଡିତ କରିଥିଲେ।
Powered by Froala Editor
