ମୁମ୍ବାଇ: ଭାରତ ସଙ୍ଗୀତ ଜଗତର ଅପୂରଣୀୟ କ୍ଷତି । ଭାରତର କୋକିଳା ଲତା ମଙ୍ଗେସ୍କର ମୃତୁ୍ୟବରଣ କରିଛନ୍ତି । ସୁର ସାମ୍ରାଜ୍ଞୀ ଲତା ମଙ୍ଗେସ୍କରଙ୍କୁ ମୃତୁ୍ୟ ବେଳକୁ ୯୨ବର୍ଷ ହୋଇଥିଲା । ନିକଟରେ କୋଭିଡରେ ସଂକ୍ରମିତ ହୋଇ ଚିକିସôିତ ହେଉଥିଲେ ।  ତାଙ୍କ ସ୍ୱାସ୍ଥ୍ୟାବସ୍ଥା ଗରୁତର ଥିବାରୁ ୨୯ଦିନ ହେଲା ଭେଣ୍ଟିଲେଟରରେ ଥିଲେ । ମୁମ୍ବାଇ ବ୍ରିଚ୍ କାଣ୍ଡି ହସ୍ପିଟାଲରେ ଚିକିସôାଧୀନ ଅବସ୍ଥାରେ ତାଙ୍କ ପରଲୋକ ହୋଇଛି । ସକାଳ ୮ଟାରେ ତାଙ୍କ ପାରଲୋକ ହୋଇଥିବା ଜାତୀୟ ଗଣମାଧ୍ୟମରେ ସୂଚନା ମିଳିଛି ।

 
ଲତାଙ୍କ ପରଲୋକ ନେଇ ସଡକ ଓ ପରିବହନ ମନ୍ତ୍ରୀ ନୀତିନ୍ ଗଡକରୀ ଶୋକ ପ୍ରକାଶ କରିଛନ୍ତି । ଏହା ସହିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଟ୍ୱିଟ୍ କରି କହିଛନ୍ତି ଯେ, ଲତା ଦିଦିଙ୍କ ବିୟୋଗରେ ଅତ୍ୟନ୍ତ ଦୁଃଖିତ । ଦୟାଳୁ ଓ ଯତ୍ନଶୀଳ ଲତା ଦିଦି ଆମକୁ ଛାଡି ଚାଲିଯାଇଛନ୍ତି । ସେ ଦେଶରେ ଛାଡିଯାଇଥିବା ଶୂନ୍ୟ ସ୍ଥାନ କେବେ ପୂରଣ ହୋଇପାରିବ ନାହିଁ । ଆଗାମୀ ପିଢି ତାଙ୍କୁ ଭାରତୀୟ ସଂସ୍କୃତିର ଏକ କିମ୍ବଦନ୍ତୀ ଭାବେ ମନେ ରଖିବ । ଯାହାର ସୁମୁଧୁର ସ୍ୱର ଲୋକଙ୍କୁ ବିସ୍ମିତ କରିବାର ଏକ ଅପୂର୍ବ କ୍ଷମତା ଥିଲା ଓ ଲତା ଦିଦିଙ୍କ ଗୀତ ବିଭିନ୍ନ ଭାବନା ଆଣି ଦେଇଥିଲା । ସେ ଦଶନ୍ଧି ଧରି ଭାରତୀୟ ଚଳଚ୍ଚିତ୍ର ଜଗତର ପରିବର୍ତ୍ତନକୁ ଅତି ନକଟରୁ ଦେଖିଥିଲେ । ଚଳଚ୍ଚିତ୍ର ବ୍ୟତୀତ ସେ ଭାରତର ଅଭିବୃଦ୍ଧି ପାଇଁ ସର୍ବଦା ଆଗ୍ରହୀ ଥିଲେ । ସେ ସବୁବେଳେ ଏକ ଶକ୍ତିଶାଳୀ ଓ ବିକଶୀତ ଭାରତ ଦେଖିବାକୁ ଚାହୁଁଥିଲେ । ପ୍ରଧାନମନ୍ତ୍ରୀ ଆହୁରି ମଧ୍ୟ କହିଛନ୍ତି, ମୁଁ ଏହାକୁ ମୋର ସମ୍ମାନ ବୋଲି ବିବେଚନା କରେ ଯେ ମୁଁ ଲତା ଦିଦିଙ୍କ ଠାରୁ ସର୍ବଦା ଅପାର ସ୍ନେହ ପାଇଛି । ତାଙ୍କ ସହିତ ମୋର କଥାବାର୍ତ୍ତା ଅବିସ୍ମରଣୀୟ ରହିବ ।
ଲତା ଦିଦିଙ୍କ ଦେହାନ୍ତରେ ମୁଁ ମୋର ସାଥୀ ଭାରତୀୟ ମାନଙ୍କ ସହିତ ଦୁଃଖିତ । ତାଙ୍କ ପରିବାର ସହ କଥା ହେବା ସହ ସମବେଦା ମଧ୍ୟ ଜଣାଇଛନ୍ତି ପ୍ରଧାନ ମନ୍ତ୍ରୀ ।

Powered by Froala Editor