ଘରେ ଯେତିକି ଟଙ୍କା ଇନକମ ହଉଛି ତା ଠାରୁ ଅଧିକ ଖର୍ଚ୍ଚ ହୋଇଯାଉଛି କି? ଆପଣ ସବୁବେଳେ ଟଙ୍କାକୁ ନେଇ ଚିନ୍ତି ରହୁଛନ୍ତି କି? କ’ଣ କରିବେ ଉପାୟ?  କିଛି ଲୋକ ସବୁବେଳେ ଅର୍ଥକୁ ନେଇ ଚିନ୍ତିତ ରୁହନ୍ତି। ସେମାନଙ୍କ ପାଖରେ ଟଙ୍କା ପଇସା ବିଲକୁଲ ରହେ ନାହିଁ ବୋଲି ସେମାନେ କରିଥାନ୍ତି। ଆଉ କିଛି ଲୋକଙ୍କ ପାଖରେ ପଇସା ତୁରନ୍ତ ଖର୍ଚ୍ଚ ହୋଇଯାଏ। କିଛି ଲୋକ କଠିନ ପରିଶ୍ରମ କରି ଟଙ୍କା କମାଇଥାନ୍ତି, କିନ୍ତୁ ଅଯଥା ଖର୍ଚ୍ଚ ଯୋଗୁଁ ପାଖରେ କିଛି ରଖିନଥାଏ । ଏହାର ଅନେକ କାରଣ ଥାଇପାରେ, କିନ୍ତୁ ସେଥିମଧ୍ୟରୁ ଗୋଟିଏ ବାସ୍ତୁ ଦୋଷ ହୋଇପାରେ । ଏପରି ପରିସ୍ଥିତିରେ ଘରେ କିଭଳି ପ୍ରକାରରେ ଟଙ୍କା ରଖିଲେ, ତାହା ଅଯଥା ଖର୍ଚ୍ଚ ହେବ ନାହିଁ…

ବାସ୍ତୁ ଶାସ୍ତ୍ର ଅନୁସାରେ, ଘରେ ସଠିକ୍ ସ୍ଥାନରେ ଟଙ୍କା ନରଖିଲେ ଆୟଠାରୁ ଅଧିକ ଖର୍ଚ୍ଚ ହୋଇଥାଏ । ବାସ୍ତୁର ଅଧିକ ମହତ୍ତ୍ୱ ରହିଛି । ଏଭଳି ପରିସ୍ଥିତିରେ ଅବହେଳା କରିବାକୁ ଟଙ୍କା ସହ ଜଡ଼ିତ ସମସ୍ୟା ସୃଷ୍ଟି ହୋଇପାରେ । ଏଥିପାଇଁ ବାସ୍ତୁର ନିୟମ ପାଳନ କରିବା ଉଚିତ୍ ।

ଘରର କେଉଁ ସ୍ଥାନରେ ରଖିବେ ଟଙ୍କା ବାକ୍ସ?
ବାସ୍ତୁ ଶାସ୍ତ୍ର ଅନୁସାରେ, ପୂର୍ବ ଓ ଉତ୍ତର ଦିଗ ସହିତ ଦେବତାଙ୍କ ସମ୍ବନ୍ଧ ରହିଛି । ଏହି ଦିଗରେ ଦେବତାମାନେ ବାସ କରନ୍ତି। ଏଭଳି ପରିସ୍ଥିତିରେ ପୂର୍ବ ଦିଗରେ ଟଙ୍କା ବାକ୍ସ ରଖିବା ଶୁଭ ହୋଇଥାଏ । ଯଦି ଆପଣ ଚାହାଁନ୍ତି, ତେବେ ଉତ୍ତର ଦିଗରେ ବି ଟଙ୍କା ବାକ୍ସ ରଖିପାରିବେ । ଏପରି କରିବା ଦ୍ୱାରା ଧନ ବୃଦ୍ଧି ହେବା ସହିତ ଅଯଥା ଖର୍ଚ୍ଚ ଉପରେ ଅଙ୍କୁଶ ଲାଗିଯିବ ।

ବାସ୍ତୁ ଶାସ୍ତ୍ର ଅନୁସାରେ, ଘରର ଦକ୍ଷିଣ ଦିଗରେ ଟଙ୍କାବାକ୍ସ ରଖିବା ଉଚିତ୍ ନୁହେଁ । ଏପରି କରିବା ଦ୍ୱାରା ଧନ ହ୍ରାସ ହୋଇଥାଏ ଓ ଧନରେ ବୃଦ୍ଧି ହୋଇନଥାଏ । ଏପରି ପରିସ୍ଥିତିରେ ଦକ୍ଷିଣ ଦିଗରେ ଟଙ୍କା ବାକ୍ସ ରଖିବା ଉଚିତ୍ ନୁହେଁ । ଏଥିପାଇଁ ପୂର୍ବ ଓ ଉତ୍ତର ଦିଗର ବ୍ୟବହାର କରିବା ଉଚିତ୍ । ଅନ୍ୟପଟେ ପଶ୍ଚିମ ଦିଗରେ ଭୁଲରେ ବି ଟଙ୍କାବାକ୍ସ ରଖନ୍ତୁ ନାହିଁ । କାରଣ ଏହା ଦ୍ୱାରା ଆର୍ଥିକ କ୍ଷତି ହୋଇଥାଏ ଓ ଅଯଥା ଖର୍ଚ୍ଚ ବି ବଢ଼ିଥାଏ ।

Powered by Froala Editor