୬୫୦ଟି ଲକରରେ ୩ କୋଟି ଟଙ୍କା କାହାର?
ଜଣେ ପୂର୍ବତନ ଆଇପିଏସ୍ ଅଫିସରଙ୍କ ଘର ବେସମେଣ୍ଟରେ ୬୫୦ଟିରୁ ଅଧିକ ଲକର ମିଳିଛି । ଆଉ ଉକ୍ତ ଲକର ମଧ୍ୟରୁ ମାତ୍ର ତିନୋଟି ଲକରରେ ତିନି କୋଟିରୁ ଅଧିକ ଟଙ୍କା ନଗଦ ମିଳିଛି । ତେବେ ଏତେ ଟଙ୍କା କାହାର ତାହା ଜଣା ପଡ଼ିନାହିଁ । ଆୟକର ବିଭାଗର ରେଡ୍ ପରେ ପୂର୍ବତନ ଅଫିସର କୁଆଡ଼େ ଗାଏବ ହୋଇ ଯାଇଛନ୍ତି ।
ସୂଚନା ଯେ,ୟୁପିର ପୂର୍ବତନ ଆଇପିଏସ୍ ଅଫିସର ରାମ ନାରାୟଣ ସିଂହଙ୍କ ଘରେ ଆୟକର ବିଭାଗ ଗତ ୩ ଦିନ ହେଲା ରେଡ୍ ଜାରି ରଖିଛି । ୧୯୮୩ ବ୍ୟାଚ୍ ୟୁପି କ୍ୟାଡରର ଆଇପିଏସ୍ ହେଉଛନ୍ତି ରାମ ନାରାୟଣ ସିଂହ । ସେ ଡିଜି ରାଙ୍କରୁ ଅବସର ନେଇଛନ୍ତି । ତାଙ୍କ ପତ୍ନୀ ‘ମାନସମ କମ୍ପାନୀ’ ପରିଚାଳନା କରନ୍ତି । ଲୋକଙ୍କୁ ଟଙ୍କା ରଖିବା ପାଇଁ ଭଡ଼ାରେ ଲକର ଦେଇଥାନ୍ତି । କୁହାଯାଉଛି ଏସବୁ ଲକରର ମାଲିକ ପୂର୍ବତନ ଆଇପିଏସଙ୍କ ପତ୍ନୀ । ଏଯାବତ୍ ପୂର୍ବତନ ଆଇପିଏସଙ୍କ ବିରୋଧରେ କୌଣସି ପ୍ରମାଣ ମିଳିନାହିଁ । ଯାଞ୍ଚ ଜାରି ରହିଛି । ତଦନ୍ତ ପରେ ଜଣାପଡିବ ବୋଲି ସୂଚନା ରହିଛି ।
Powered by Froala Editor
