୭୦ ବର୍ଷ ହେଲା ଲାଇସେନ୍ସ ନକରି ଚଳାଉଥିଲେ ଗାଡି, ଏବେ ଧରାପଡ଼ିଲେ
୭୦ ବର୍ଷ ବିନା ଲାଇସେନ୍ସରେ ଗାଡି ଚଳାଇବା ପରେ ଧରାପଡିଛନ୍ତି ୮୩ ବର୍ଷୀୟ ବୃଦ୍ଧ । ବ୍ରିଟେନ୍ର ଏହି ବୃଦ୍ଧ ଜଣକ ଦାବି କରିଛନ୍ତି, ସେ ୧୨ ବର୍ଷ ବୟସରୁ ଗାଡ଼ି ଚଳାଉଛନ୍ତି। ସେ ଲାଇସେନ୍ସ କିମ୍ବା ବୀମା କରି ନାହାନ୍ତି। ସୌଭାଗ୍ୟବଶତଃ ସେ ଦୁର୍ଘଟଣା ଘଟାଇ ନାହାନ୍ତି। ତେଣୁ ପୂର୍ବରୁ ପୁଲିସ ତାଙ୍କୁ କେବେ ଧରି ନଥିଲା। ଏବେ ତାଙ୍କୁ ଠାବ କରାଯିବା ପରେ କି ଦଣ୍ଡ ଦିଆଯାଇଛି ତାହା ଜଣାପଡ଼ିନାହିଁ। ତେବେ ଡ୍ରାଇଭିଂ ପରୀକ୍ଷାରେ ଉତ୍ତୀର୍ଣ୍ଣ ହୋଇ ନ ଥିବାରୁ ଏବଂ ବୀମା ବିନା ଡ୍ରାଇଭିଂ ପାଇଁ ତାଙ୍କୁ ନିଶ୍ଚିତ ଜରିମାନା ଦେବାକୁ ପଡିବ ବୋଲି କୁହାଯାଇଛି। ଏ ଘଟଣା ସାମ୍ନାକୁ ଆସିବା ପରେ ସମସ୍ତେ ତାଜୁବ ହୋଇଯାଇଛନ୍ତି । ମାସେ କି ବର୍ଷେ ନୁହେଁ ପୂରା ୭୦ ବର୍ଷ ଧରି ସେ କେମିତି ଆଇନ ନଜରରୁ ଖସିଲେ ତାହା ଜଣାପଡିନି ।
Powered by Froala Editor
