ଆଜି ଓଡିଶା ଆସିବ ଓମିସିୟୋର କିଟ୍
ଭୁବନେଶ୍ୱର: କରୋନା ସଂକ୍ରମଣ ହୁ ହୁ ହୋଇ ବଢୁଥିବାବେଳେ କରୋନାର ନୂଆ ଭାରିଆଣ୍ଟ ଓମିକ୍ରନ ମଧ୍ୟ ଦ୍ରୁତ ସଂକ୍ରମଣ କରୁଛି । କରୋନା ପଜିଟିଭ୍ ହେଲା ପରେ, ସେହି ନମୁନାକୁ ଜିନୋମ ସିକ୍ୱେନ୍ସିଂ ପାଇଁ ପଠାଯାଉଥିଲା । ରିପୋର୍ଟ ଆସିଲା ପରେ ରିପୋର୍ଟ ଓମିକ୍ରନ ପଜିଟିଭ୍ କି ନା, ଜଣା ପଡୁଥିଲା । ଏଥିପାଇଁ ସମୟ ଲାଗୁଥିଲା । କିନ୍ତୁ ଏବେ ଆଉ ଅପେକ୍ଷା କରିବାକୁ ପଡିବନି ।
ଆଜି ଓଡ଼ିଶା ଆସିବ ଓମିକ୍ରନ୍ କିଟ୍ ଓମିସିୟୋର । ଓମିସିଓର କିଟ୍ ମେଡିକାଲ ଆଣ୍ଡ ଡାଇଗ୍ନୋଷ୍ଟିକ୍ସ ଲିମିଟେଡ (ଟାଟା ଏମଡି) ଦ୍ୱାରା ପ୍ରସ୍ତୁତ ହୋଇଛି ଏହି କିଟ୍ । ୫ ଲକ୍ଷ ଓମିସିୟୋର କିଟ ଆଣିବା ପାଇଁ ଅର୍ଡର ଦେଇଥିଲା ରାଜ୍ୟ ସ୍ୱାସ୍ଥ୍ୟ ବିଭାଗ । ଓମିକ୍ରନ ଭୂତାଣୁ ଚିହ୍ନଟ କରିବ ଏହି ଓମିସିୟୋର କିଟ୍ । ଓମିକ୍ରନର ଲକ୍ଷଣ ଥିଲେ ସଙ୍ଗେ ସଙ୍ଗେ ଏହି କିଟ୍ରେ ଟେଷ୍ଟ କଲେ ଓମିକ୍ରନ ଭୂତାଣୁ ଚିହ୍ନଟ ହେବ ବୋଲି ସ୍ୱାସ୍ଥ୍ୟ ବିଭାଗ ପକ୍ଷରୁ ଏହି ସୂଚନା ଦିଆଯାଇଛି । କିଛି ଦିନ ତଳେ ଓମିକ୍ରନ ସହ ଲଢିବା ପାଇଁ ଟାଟା ପ୍ରସ୍ତୁତ କରିଥିବା ଟେଷ୍ଟିଂ କିଟ୍ ଓମିସିୟୋର ମଞ୍ଜୁରୀ ପ୍ରଦାନ କରିଥିଲା ଆଇସିଏମଆର । ଆଉ ପ୍ରଥମ ରାଜ୍ୟ ଭାବେ ଓଡିଶା ଓମିସିୟୋର କିଟ୍ କିଣିବା ପାଇଁ ଅର୍ଡର ଦେଇଥିଲା ।
Powered by Froala Editor
