ଭୁବନେଶ୍ୱର: ଗେଜେଟେଡ କାଟାଗୋରିରେ ଭୁବନେଶ୍ୱରସ୍ଥିତ ବିଜୁ ପଟ୍ଟନାୟକ ରାଜ୍ୟ ପୋଲିସ ଏକାଡେମୀ (ବିପିଏସପିଏ) ୨୦୨୦-୨୦୨୧ ବର୍ଷ ପାଇଁ ଦେଶର ସର୍ବଶ୍ରେଷ୍ଠ ପୋଲିସ ଟ୍ରେନିଂ ମାନ୍ୟତା ପାଇଛି । ରାଷ୍ଟ୍ରିୟ ସ୍ତରରେ ଏହି ସମ୍ନାନ ସହ ପୁରସ୍କାର ସ୍ୱରୂପ ୨୦ ଲକ୍ଷ ଟଙ୍କା ଅନୁଦାନ ପାଇବ।ଦେଶର ସମସ୍ତ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳ ମଧ୍ୟରେ ଓଡ଼ିଶାର ବିପିଏସ୍‌ପିଏକୁ ଏହି ସର୍ବଶ୍ରେଷ୍ଠ ସମ୍ମାନ ମିଳିଛି ଯାହାକି ଏକାଡେମାର ସମସ୍ତଙ୍କ ପ୍ରଚେଷ୍ଟା ଯୋଗୁ ସମ୍ଭବ ହୋଇପାରିଛି ବୋଲି ଏହାର ନିର୍ଦ୍ଦେଶକ ତଥା ଅତିରିକ୍ତ ଡିଜିପି ଅରୁଣ କୁମାର ଷଡ଼ଙ୍ଗୀ କହିଛନ୍ତି । ବିପିଏସ୍‌ଏ ଓଡ଼ିଶାର ଏକ ପ୍ରମୁଖ ପୋଲିସ ପ୍ରଶିକ୍ଷଣ ପ୍ରତିଷ୍ଠାନ। 

୨୦୦୫ରେ ଏହା ପ୍ରତିଷ୍ଠା ହୋଇଥିଲା। ଏଠାରେ ସିଧାସଳଖ ଡିଏସ୍‌ପି ଏବଂ ସବ୍ ଇନ୍ସପେକ୍ଟର , ସର୍ଭେ , ଡେପୁଟି ସୁବେଦାର ଭାବେ ନିଯୁକ୍ତି ପାଇଥିବା ଅଧିକାରୀଙ୍କୁ ପ୍ରାଥମିକ ପ୍ରଶିକ୍ଷଣ ଦିଆଯାଇଥାଏ । ଏଯାବତ୍ ଏଠାରୁ ୬ଟି ବ୍ୟାଚ୍‌ରେ ସିଧାସଳଖ ଓପିଏସ୍ ପାଇଥିବା ୬୫ ଡିଏସ୍‌ପି ଏବଂ ୨୪ଟି ବ୍ୟାକ୍‌ରେ ୩୨୦୦ ସବ୍ ଇନ୍ସପେକ୍ଟର୍ସ , ସର୍ଜେଣ୍ଟ ଏବଂ ସୁବେଦାର ପ୍ରଶିକ୍ଷଣ ନେଇସାରିଛନ୍ତି । ପୋଲିସ ଏଏସ୍‌ଆଇ , ଏକ୍ସାଇଜ୍ ଅଫିସର , ଟ୍ରାନ୍ସପୋର୍ଟ ( ଓଏମ୍‌ଭିଡି ) , ଫରେଷ୍ଟ , ଫ୍ରିଜନ୍ ଡିପାର୍ଟମେଣ୍ଟ ଓ ସେଣ୍ଟ୍ରାଲ୍ ଏକ୍ସାଇଜ୍ ଅଧିକାରୀଙ୍କୁ ମଧ୍ୟ ଏଠାରେ ପ୍ରଶିକ୍ଷଣ ଦିଆଯାଉଛି । ଏସହ ଚାକିରିରେ ଥିବା ପୋଲିସ ଅଧିକାରୀଙ୍କୁ ଚାକିରିକାଳୀନ ପ୍ରଶିକ୍ଷଣ ପ୍ରଦାନ କରାଯାଉଛି । 

Powered by Froala Editor