୨୧ରେ ମହିଳା ଏସିଆ କପ୍ : ୧୮ ଜଣିଆ ଟିମ୍ର ନେତୃତ୍ୱ ନେବେ ସବିତା ପୁନିଆ
ଜାନୁଆରୀ ୨୧ରେ ଅନୁଷ୍ଠିତ ହେବ ମହିଳା ଏସିଆ କପ୍ । ଏହି ପ୍ରତିଯୋଗିତା ଚଳିତ ମାସ ୨୧ ତାରିଖରୁ ଆରମ୍ଭ ହୋଇ ୨୮ ତାରିଖ ପର୍ଯ୍ୟନ୍ତ ଚାଲିବ । ଏଥିପାଇଁ ୧୮ ଜଣିଆ ଟିମ୍ ଘୋଷଣା କରିଛି ହକି ଇଣ୍ଡିଆ । ଓମାନରେ ହେବାକୁ ଥିବା ମହିଳା ଏସିଆ କପ୍ ହକିରେ ଭାରତୀୟ ଦଳର ନେତୃତ୍ୱ ନେବେ ସବିତା ପୁନିଆ । ସେହିପରି ଭାରତୀୟ ମହିଳା ଦଳର ଉପ ଅଧିନାୟକ ଭାବରେ ନେତୃତ୍ୱ ନେବେ ଓଡ଼ିଆ ଝିଅ ଦୀପଗ୍ରେସ ଏକ୍କା। ଚୟନ ହୋଇଥିବା ଦଳରେ ଦୀପଗ୍ରେସ ଏକ୍କାଙ୍କ ସହ ଓଡ଼ିଆ ଖେଳାଳି ଭାବରେ ମାରିଆନା କୁଜୁର ସାମିଲ ହୋଇଛନ୍ତି ।
ପ୍ରତିଯୋଗିତାରେ ଭାରତ ସମେତ, ଚୀନ୍, ଇଣ୍ଡୋନେସିଆ, ଦକ୍ଷିଣ କୋରିଆ, ଜାପାନ,ଥାଇଲାଣ୍ଡ , ମାଲେସିଆ ଓ ସିଙ୍ଗାପୁର ଦଳ ଅଂଶଗ୍ରହଣ କରୁଛନ୍ତି। ଭାରତ ଜାନୁଆରୀ ୨୧ରେ ମାଲେସିଆ ବିପକ୍ଷରେ ପ୍ରଥମ ମ୍ୟାଚ ଖେଳିବ । ସେହିପରି ଜାନୁଆରୀ ୨୩ରେ ଜାପାନକୁ ଭେଟୁଥିବାବେଳେ ଶେଷ ଲିଗ୍ ମ୍ୟାଚ ଜାନୁଆରୀ ୨୪ରେ ସିଙ୍ଗାପୁର ବିପକ୍ଷରେ ଖେଳିବ । ଜାନୁଆରୀ ୨୬ରେ ଏହି ଟୁର୍ଣ୍ଣାମେଣ୍ଟର ସେମିଫାଇନାଲ ଖେଳାଯାଉଥିବାବେଳେ ଜାନୁଆରୀ ୨୮ରେ ଗ୍ରାଣ୍ଡ ଫାଇନାଲ ହେବ।
Powered by Froala Editor
