ଭିନ୍ନ ଢଙ୍ଗରେ ସମ୍ମାନ ଜଣାଇଲା ଡାକ ବିଭାଗ : ଗୋଲଡେନ ପୋଷ୍ଟ ବକ୍ସରେ ନୀରଜଙ୍କ ନାଁ
ଟୋକିଓ ଅଲିମ୍ପିକ୍ସରେ ସ୍ୱର୍ଣ୍ଣ ପଦକ ବିଜେତା ନୀରଜ ଚୋପ୍ରାଙ୍କୁ ଭିନ୍ନ ଢଙ୍ଗରେ ସମ୍ମାନ ଜଣାଇଛି ଭାରତୀୟ ଡାକ ବିଭାଗ । ହରିୟାଣାର ପାନିପତର ନୀରଜ ଚୋପ୍ରାଙ୍କ ଗାଁ ଖଣ୍ଡାରାରେ ଏକ ଗୋଲଡେନ ରଙ୍ଗର ପୋଷ୍ଟ ବକ୍ସ ଲଗାଯାଇଛି । ଯେଉଁଥିରେ ନୀରଜଙ୍କ ନାମ ଲେଖାଯାଇଛି । ଏହି ଗୋଲଡେନ ପୋଷ୍ଟ ବକ୍ସରେ ଲେଖାଯାଇଛି ଶ୍ରୀ ନୀରଜ କୁମାର ଜାଭେଲିନ ସ୍ୱର୍ଣ୍ଣ ପଦକ ବିଜେତା, ଏହା ଆପଣଙ୍କ ଉଦ୍ଦେଶ୍ୟରେ ।
ଏହି ପୋଷ୍ଟ ବକ୍ସର ଚିତ୍ର ସୋସିଆଲ ମିଡିଆରେ ଦିନକୁ ଦିନ ଭାଇରାଲ ହେବାରେ ଲାଗିଛି । ସୋସିଆଲ ମିଡିଆରେ ପୋଷ୍ଟ ହେବା ପରେ ଲୋକେ ଏହାକୁ ଖୁବ ପସନ୍ଦ କରୁଛନ୍ତି । ଅନେକ ଅଧିକାରୀ ଏବଂ ପ୍ରଶଂସକ ମଧ୍ୟ ଏହି ବକ୍ସକୁ ସେୟାର କରିଛନ୍ତି । ଯେଉଁଥିରେ ଭାରତୀୟ ଡାକ ବିଭାଗ ଦ୍ୱାରା ସମସ୍ତଙ୍କୁ ଧନ୍ୟବାଦ ଦିଆଯାଇଛି ।
ନୀରଜ ଚୋପ୍ରା ବର୍ତ୍ତମାନ ଆମେରିକାରେ ଅଛନ୍ତି । ଯେଉଁଠାରେ ସେ ପ୍ୟାରିସ ଅଲିମ୍ପିକ୍ସ ପାଇଁ ପ୍ରସ୍ତୁତି ଆରମ୍ଭ କରୁଛନ୍ତି । ସୂଚନା ଥାଉକି, ଜାଭେଲିନ୍ ଥ୍ରୋରେ ନୀରଜ ଚୋପ୍ରା ଟୋକିଓ ଅଲିମ୍ପିକ୍ସରେ ୮୭.୮୫ ମିଟର ଭାଲା ପକାଇ ଇତିହାସ ସୃଷ୍ଟି କରିଥିଲେ ।
Powered by Froala Editor