ଚିଲିକାରେ ଡଲଫିନ୍ ଗଣନା ଆରମ୍ଭ
ବ୍ରହ୍ମଗିରି: ଚିଲିକାରେ ଆରମ୍ଭ ହୋଇଛି ଡଲଫିନ୍ ଗଣନା । ଚଳିତ ବର୍ଷ ଡ଼ଲଫିନ ଗଣନା ଆଜି ଭୋର୍ ୬ଟାରୁ ଆରମ୍ଭ ହୋଇଛି । ଏହି ଗଣନା ପ୍ରକ୍ରିୟାରେ ମୋଟ ୧୮ ଟିମ୍ ନିୟୋଜିତ ହୋଇଛନ୍ତି । ପ୍ରତ୍ୟେକ ଟିମ୍ରେ ୬ ଜଣ ସଦସ୍ୟ ରହିଛନ୍ତି । ସାତପଡ଼ା ରେଞ୍ଜ ପଟୁ ୮ଟି ଦଳ ଏବଂ ବାଲୁଗାଁ ରେଞ୍ଜ ପଟୁ ୧୦ଟି ଦଳ ଡ଼ଲଫିନ ଗଣିବା ଜାରି ରଖିଛନ୍ତି ।
ଗଣନା ପ୍ରକ୍ରିୟାରେ ସିଡିଏର କର୍ମଚାରୀ, ବନ କର୍ମଚାରୀ, ଡ଼ଲଫିନ ବିଶେଷଜ୍ଞ, ସ୍ବେଚ୍ଛାସେବୀ, ପରିବେଶବିତ୍ମାନଙ୍କ ସହିତ ଜଣେ ଡଙ୍ଗା ଚାଳକ ସାମିଲ ହୋଇଛନ୍ତି । ଜିପିଏସ, ବାଇନାକୁଲାର, ରେଞ୍ଜ ଫାଇଣ୍ଡର ଦ୍ୱାରା ଗଣତି ଚାଲିଛି । ଚଳିତ ବର୍ଷ କେତେ ସଂଖ୍ୟାରେ ଡ଼ଲଫିନ ଚିଲିକାରେ ରହିଛନ୍ତି ଗଣନା ପରେ ହିଁ ଜଣାପଡିବ ।ଆଜି ଘନ କୁହୁଡିର ପରିମାଣ ମାତ୍ରାଧିକ ରହିଥିବାରୁ ଚିଲିକାରେ ଡ଼ଲଫିନ ଗଣନାରେ ସାମାନ୍ୟ ବାଧକ ସୃଷ୍ଟି ହୋଇଥିଲା । ଦିନ ୧୧ ଟାରୁ ମଧ୍ୟାହ୍ନ ୧୨ ପର୍ୟ୍ୟନ୍ତ ଗଣନା ଚାଲିବ ବୋଲି ଜଣାପଡିଛି । ସମସ୍ତ ଗଣନାକାରୀ ଦଳ ଗଣନା ସାରି ରିପୋର୍ଟ ବିଭାଗକୁ ଦେଲାପରେ ଚୂଡାନ୍ତ ରିପୋର୍ଟ ଜଣାପଡିବ ।
Powered by Froala Editor
