ଭୁବନେଶ୍ୱରର ଏହି ୫ଟି ଅଞ୍ଚଳ କଣ୍ଟେନମେଣ୍ଟ ଘୋଷଣା
ଭୁବନେଶ୍ୱର: ଦିନକୁ ଦିନ ପୁଣି କରୋନା ଗ୍ରାଫ ଉପରମୁହାଁ ହେବାରେ ଲାଗିଛି । ଅନ୍ୟପଟେ କରୋନାର ନୂଆ ଭାରିଆଣ୍ଟ ଓମିକ୍ରନ ଦ୍ରୁତ ସଂକ୍ରମଣ କରୁଥିବାରୁ ଲୋକଙ୍କ ମନରେ ଛନକା ପଶିଛି । ଏଥିପାଇଁ ରାଜ୍ୟ ସରକାର ବିଭିନ୍ନ ପ୍ରକାର ପଦକ୍ଷପ ନେବା ସତ୍ତ୍ୱେ ମଧ୍ୟ କରୋନା ତା’ର କାୟା ବିସ୍ତାର କରିବାରେ ଲାଗଛି ।
ଆଜି ଖୋର୍ଦ୍ଧାରୁ ସର୍ବାଧିକ ୪୫୬କରୋନା ସଂକ୍ରମିିତ ଚିହ୍ନଟ ହୋଇଥିଲେ । ତେବେ ବର୍ତ୍ତମାନ ଭୁବନେଶ୍ୱରର ୫ଟି ଅଂଚଳକୁ କଣ୍ଟେନମେଣ୍ଟ ଘୋଷଣା କରାଯାଇଛି । କରୋନା ସଂକ୍ରମଣକୁ ଦୃଷ୍ଟିରେ ରଖି ବିଏମସି ଭୁବନେଶ୍ୱରର ୫ଟି ଅଂଚଳକୁ କଣ୍ଟେନମେଣ୍ଟ ଘୋଷଣା କରିଛି । ଏହି ସବୁ ଅଂଚଳରେ କୋଭିଡ୍ ଆକ୍ରାନ୍ତ ଚିହ୍ନଟ ହୋଇଥିବାରୁ କଣ୍ଟେନମେଣ୍ଟ ଘୋଷଣା କରାଯାଇଥିବା ସୂଚନା ମିଳିଛି ।
ଆଚାର୍ଯ୍ୟବିହାର ସାଇ ଟେମ୍ପୁଲ ନିକଟ ଅଂଚଳ, ସତ୍ୟନଗର ଓ ବାପୁଜୀ ନଗରର ନିର୍ଦ୍ଧିଷ୍ଟ ଅଂଚଳ ମଧ୍ୟ କଣ୍ଟେନମେଣ୍ଟ ଘୋଷଣା କରାଯାଇଛି । ଏହା ସହିତ ଟଙ୍କପାଣି ବିଷ୍ଣୁନଗର, ଆଚାର୍ଯ୍ୟ ବିହାର ପାଣିଟାଙ୍କି ଅଂଚଳକୁ ବିମସି କଣ୍ଟେନମେଣ୍ଟ ଘୋଷଣା କରିଥିବା ସୂଚନା ମିଳିଛି ।
Powered by Froala Editor
