କେନ୍ଦ୍ରପଡ଼ା: ଜନନୀ,ମାତୃରୂପି ଦେବୀ ସାଜିଛି ଏଠାରେ ପିଶାଚିନୀ । ମା’ର ପଣତକାନିରେ ଦୁନିଆର ଦୁଃଖ ପୋଛିହୋଇଯାଇଥାଏ,ସେହି ପଣତକାନି ଏଠାରେ ସାଜିଲା ମୃତୁ୍ୟର ଫାସିଦଉଡ଼ି । ଯେଉଁହାତ ଛୁଆକୁ ମମତା ବୋଳା ସ୍ପର୍ଶ ଦିଏ କୁହାଯାଏ ସେଇ ଗୋଟିଏ ହାତର ଛୁଆଁ ରେ ଛୋଟ ଶିଶୁଟିଏ ଶୋଇପଡ଼ିଥାଏ ମା’ କୋଳରେ । ସେହି ହାତ ରେ ଚିପିଦେଇଛି କୋମଳ ଶିଶୁର ତଣ୍ଟି । ଯେଉଁ ମା’ ଦଶମାସ ଗର୍ଭରେ ଧରି ଗୋଟିଏ ଶିଶୁକୁ ଜନ୍ମ ଦିଏ ସେଇ ମା ୨ମାସ ନପୁରୁଣୁ ଜୀବନ ନେଇଗଲା । ପତିପନôୀଙ୍କ ମଧ୍ୟରେ ଲାଗିଥିବା କଳହରେ ବଳିପଡ଼ିଗଲା ନିଷ୍ପାପ ଶିଶୁ । 

ସୂଚନା ଅନୁଯାୟୀ, କାନପୁର ଗାଁର ଦମ୍ପତି୨ବର୍ଷ ପୂର୍ବେ ପ୍ରେମ ବିବାହ କରିଥିଲେ । ହେଲେ ଆର୍ଥିକ ଅନଟନରେ ସର୍ବଦା କଳହ ଲାଗିରହୁଥିଲା ଦୁହିଁଙ୍କ ଭିତରେ । ଇତିମଧ୍ୟରେ ୨ ମାସ ପୂର୍ବେ ଉଭୟଙ୍କର ଏକ ପୁତ୍ର ସନ୍ତାନ ଜନ୍ମ ହୋଇଥିଲା। ଏହା ପରେ ମଧ୍ୟ କଳହ ଥମିବା ନାଁ ଧରୁ  ନ ଥିଲା।  କଳହ ଉଗ୍ର ରୂପ ନେବାରୁ ମହିଳାଜଣକ ନିଜ ଶିଶୁ ପୁତ୍ରକୁ ଧରି ବାପ ଘରକୁ ଚାଲି ଯାଇଥିଲେ। ଏହାପରେ ୨ ଦିନ ପୂର୍ବେ ତାଙ୍କ ଭିଣୋଇ ଆଣି ଶାଶୁ ଘରେ ଛାଡ଼ି ଯାଇଥିଲେ।

ହେଲେ ଏହାପରେ ଗତ ରାତିରେ ଉଭୟ ପତି ପତ୍ନୀଙ୍କ ମଧ୍ୟରେ ଝଗଡ଼ା ଉଗ୍ର ରୂପ ଧାରଣ କରିଥିଲା। ଏଥିରେ ହିତାହିତ ଜ୍ଞାନ ଭୁଲି ମହିଳାଜଣକ ଶେଜରେ ଶୋଇଥିବା ନିଜ ୨ ମାସର ନିରୀହ ଶିଶୁକୁ ତଣ୍ଟି ଚିପି ମାରିଦେଇଥିଲେ। ଏହାପରେ ପରିବାର ଲୋକ ଜାଣିପାରିବେ ଭାବି ଅଖାରେ ପୂରାଇ ପଥର ବାନ୍ଧି ପଡ଼ୋଶୀ ଘର କୂଅକୁ ଫିଙ୍ଗିଦେଇଥିଲା।

ଏହାପରେ ଘରେ ଶିଶୁ ନ ଥିବା ଦେଖି ପରିବାର ଲୋକ ସକାଳେ ଥାନାକୁ ଖବର ଦେଇଥିଲେ। ପୁଲିସ୍‌ ଓ ଅଗ୍ନିଶମ ବାହିନୀ ଖୋଜାଖୋଜି କରି ପଡ଼ୋଶୀଙ୍କ କୂଅରୁ ମୃତ ଶିଶୁକୁ ଉଦ୍ଧାର କରିଥିଲେ।

ପୁଅକୁ ମା’ ହତ୍ୟା କରିବା ସ୍ୱିକାର କରିଥିବା ବେଳେ  ଉଭୟ ସ୍ୱାମୀ, ସ୍ତ୍ରୀଙ୍କୁ ଅଟକ ରଖି  ପଚରାଉଚରା କରୁଛି ପୁଲିସ୍‌ ।

Powered by Froala Editor