ଗଞ୍ଜାମ: ପୁଣିଥରେ ଚର୍ଚ୍ଚାରେ ବ୍ରହ୍ମପୁର ର ବଡ଼ ମେଡ଼ିକାଲ ଏମକେସିଜି । ଧିରେଧିରେ ମାମଲା ଲଘୁ ହବାରେ ଲାଗୁଥିବା ବେଳେ ଏପର୍ଯ୍ୟନ୍ତ ପ୍ରଶାସନ ର ଆଖି ଆଢ଼ୁଆଳକୁ ଆସି ପାରୁନାହିଁ ଏମ.କେ.ସି.ଜି । ଦୀର୍ଘ ବର୍ଷଧରି ଏ ସ୍ଥାପିତ ମେଡ଼ିକାଲ ରେ ନାହିଁ ଏକ ବିଶ୍ରାମ ଗୃହ ଗଞ୍ଜାମ ଜିଲ୍ଲାର ବଡ଼ ସରକାରୀ ଚିକିସôାଳୟ ରୂପେ ଖୁବ ନାମ କମେଇଥିବା ଏ ମେଡ଼ିକାଲକୁ ବହୁ ଦୁର ନୁରାନ୍ତରୁ ଗରିବ ମଳିମୁଣ୍ଡିଆ ଲୋକଙ୍କ ଠାରୁ ନେଇ ମଧ୍ୟବିତ ଓ ଧନୀ ବର୍ଗର ଲୋକଙ୍କର ମଧ୍ୟ ଛୁଅ ଛୁଟିଥାଏ ଏହି ମେଡ଼ିକାଲ କୁ, କିନ୍ତୁ ଏଠାକାର ପରିବେଶ ମଧ୍ୟ ଅସ୍ୱାସ୍ଥ୍ୟକର ହୋଇଥିବା ବେଳେ କରୋନାର କଟକଣା ସତ୍ୱ ଲୋକଙ୍କର ଭିଡ଼ ଜମୁଛି ଏଠାରେ, ନା ରହିଛି ଏକ ବିଶ୍ରମାଗାର ନା ଔଷଧ ବିତରଣ କେନ୍ଦ୍ରରେ କୌଣସି ଔଷଧ ।

ରୋଗୀ ଓ ତାଙ୍କ ସମ୍ପର୍କୀୟ ଟିକେଟ କରିବା ଆଶାରେ ରାତି ରାତି ଧରି ଶୀତ କାକରରେ ପଡ଼ି ରହୁଛନ୍ତି ମେଡ଼ିକାଲର ଚଟାଣ ଉପରେ । ରୋଗୀଙ୍କ ପାଇଁ ମଧ୍ୟ ଏକ ବେଡ଼ ଯୋଗାଡ଼ କରିବା କାଠିକର ପାଠ ହୋଇଯାଉଛି ଯାହା ଫଳରେ ସାଲାଇନ ଲାଗି ମଧ୍ୟ ରୋଗୀ ପଡ଼ି ରହୁଛନ୍ତି ଚଟାଣ ଉପରେ । ଠିକ ସମୟରେ ଡ଼ାକ୍ତରଙ୍କ ର ଅଭାବ ମଧ୍ୟ ବହୁ ହଇରାଣରେ ପକାଉଛି ରୋଗୀଙ୍କୁ, ଡ଼ାକ୍ତର ଲେଖିଦେଇଥିବା ଔଷଧ ମଧ୍ୟ ଉପଲବ୍ଧ ନାହିଁ ମେଡ଼ିକାଲରେ । କ୍ୟାନସର,ମହିଳା,ମେଡ଼ିସିନ ବିଭାଗରେ ସବୁଠି ଅବ୍ୟବସ୍ଥା ପରିଲକ୍ଷିତ ହୋଇଛି ।

ଦକ୍ଷିଣ ଓଡ଼ିଶାର ପ୍ରାଣକେନ୍ଦ୍ର ଏମକେସିଜି । ଯାହାର ଅବସ୍ଥା ଅତି ସାଂଘାତିକ । ମେଡ଼ିକାଲରେ ଏକାଧିକ ବିଭାଗ ସହ ଏକାଧିକ କୋଠାରେ ସାଂଘାତିକ ଚିତ୍ର । ଯେଉଁ ବିଭାଗକୁ ଗଲେ ଶହଶହ ସଂପର୍କୀୟଙ୍କ ସହ ରୋଗୀ ମଧ୍ୟ ଶୋଇଛନ୍ତି ଖାଲି ଚଟାଣରେ ।

ଅନ୍ୟପଟେ ଖୁବ ଶୀଘ୍ର ନୂଆ କୋଠା ହେବା ସହ ବିଶ୍ରାମ ନେବାପାଇଁ ଅଧିକ ବେଡ଼ ମଧ୍ୟ ରହିବ ଏବଂ ଏମିତି ସମସ୍ତ ସମସ୍ୟା ସୁଧୁରିବ ବୋଲି କହିଛନ୍ତି ବ୍ରହ୍ମପୁର ଏମକେସିଜି ସୁପରିଟେଣ୍ଡଣ୍ଟ । ତେବେ ବହୁ ପୂର୍ବରୁ ମଧ୍ୟ ଏନେଇ ଖବର ପ୍ରସାରଣ ପରେ ମଧ୍ୟ କିଛି ସୁଧୁରିପାରିନାହିଁ ।

Powered by Froala Editor