ଓମିକ୍ରନର ବଢୁଥିବା ସଂକ୍ରମଣ ଯୋଗୁଁ ଅଧାରୁ ବନ୍ଦ ହୋଇଛି ‘ଦ କପିଲ ଶର୍ମା’ ଶୋ’।  ଖବର ଆସିଛି ଯେ ‘ଦ କପିଲ ଶର୍ମା ଶୋ’ର ସୁଟିଂ ମଧ୍ୟ ସପ୍ତାହେ ପର୍ଯ୍ୟନ୍ତ ଘୁଞ୍ଚାଇ ଦିଆଯାଇଛି ।

ରିପୋର୍ଟ ଅନୁସାରେ ଜାନୁଆରିର ପ୍ରଥମ ସପ୍ତାହରେ ଶୋ’ର ସୁଟିଂ ପୁଣି ଆରମ୍ଭ ହେବ। ଏହି ବିଷୟରେ ଶୋ’ର ସଦସ୍ୟ ଅର୍ଚ୍ଚନା ପୁରନ ସିଂହ ସୂଚନା ଦେଇଛନ୍ତି । ଅର୍ଚ୍ଚନା ପୁରନ ସିଂହ କହିଛନ୍ତି, “ଓମିକ୍ରନରୁ କିଏ କେତେ ଦିନ ପର୍ଯ୍ୟନ୍ତ ବଞ୍ଚିପାରିବ? ଆମର ଦାୟିତ୍ଵ ହେଉଛି ଆମେ ସବୁ ନିୟମଗୁଡିକୁ ମାନିବା ଉଚିତ । ଯେଉଁମାନେ ସମସ୍ତ ନିୟମ ମାନୁଛନ୍ତି ସେମାନଙ୍କୁ ବି ତ କରୋନା ହେଉଛି । ଏହା ଏକ ଏପରି ରୋଗ ଅଟେ ଯାହାଠାରୁ କେହି ବଞ୍ଚି ପାରିବେ ନାହିଁ । ‘ଦ କପିଲ ଶର୍ମା ଶୋ’ କଥା ଯଦି କୁହାଯାଏ ତେବେ ଏକ ସପ୍ତାହ ପର୍ଯ୍ୟନ୍ତ ‘ଦ କପିଲ ଶର୍ମା ଶୋ’ର ସୁଟିଂ ହେବ ନାହିଁ । ଆମେ ସଚେତନ ତ ଆଗରୁ ହିଁ ଥିଲୁ କିନ୍ତୁ ଏବେ ଆମେ ଆହୁରି ସଚେତନ ହୋଇଯାଇଛୁ । ଆମର ସୁଟିଂ ସେଟରେ ଆଗରୁ କେହି ବି ଆକ୍ରାନ୍ତ ହୋଇ ନଥିଲେ । ଆମେ ଚାହୁଁଛୁ ଓମିକ୍ରନ ଆମଠାରୁ ଦୂରରେ ରହୁ ।“

ଫିଲ୍ମ ଇଣ୍ଡଷ୍ଟ୍ରି ରେ ପ୍ରତିଦିନ କେହି ନା କେହି ବଲିଉଡ ସେଲିବ୍ରେଟି ସଂକ୍ରମିତ ହେବାର ଖବର ସାମ୍ନାକୁ ଆସୁଛି। ଏହି ସଙ୍କଟକୁ ଦୃଷ୍ଟିରେ ରଖି ‘ଦ କପିଲ ଶର୍ମା’ ଶୋ’ କିଛି ସମୟ ପାଇଁ ବ୍ରେକ୍ ନେବାକୁ ନିଷ୍ପତ୍ତି ନେଇଛି।

Powered by Froala Editor