ପଞ୍ଜାବ ସ୍ୱର୍ଣ୍ଣ ମନ୍ଦିରରେ ଧାର୍ମିକ ପତାକା ହଟାଇବାକୁ ଚେଷ୍ଟା କରୁଥିବା ଯୁବକଙ୍କୁ  ଶ୍ରଦ୍ଧାଳୁମାନେ ପିଟି ପିଟି ହତ୍ୟା କରିଛନ୍ତି।  ସମ୍ପୃକ୍ତ ଯୁବକ ଜଣକ  ଶିଖମାନଙ୍କ ଧାର୍ମିକ ପତାକା ‘ନିଶାନ ସାହିବ’ଙ୍କୁ ହଟାଇବାକୁ ଚେଷ୍ଟା କରିଥିବା ଅଭିଯୋଗ ହୋଇଛି। ତାଙ୍କୁ ଶ୍ରଦ୍ଧାଳୁମାନେ ପିଟିପିଟି ହତ୍ୟା କରିଥିବା ଅଭିଯୋଗ ହୋଇଛି। ଏହା ଏହି ଘଟଣା ପାଇଁ ପୁଲିସ ଏବଂ ରାଜ୍ୟ ସରକାର ଦାୟୀ ବୋଲି ଗୁରୁଦ୍ୱାର ପକ୍ଷରୁ କୁହାଯାଇଛି।

ଏହି ଘଟଣା ତଦନ୍ତ ପାଇଁ ସ୍ୱତନ୍ତ୍ର ଅନୁସନ୍ଧାନକାରୀ ଦଳ (ଏସଆଇଟି) ଗଠନ କରାଯାଇଥିବା କହିଛନ୍ତି ପଞ୍ଜାବର ଉପ-ମୁଖ୍ୟମନ୍ତ୍ରୀ ସୁଖଜିନ୍ଦର ସିଂ ରନ୍ଧାୱା। ଡିସିପି ଆଇନ ଏବଂ ଆଦେଶ ଅଧୀନରେ ଏସଆଇଟି ଗଠନ କରାଯାଇଛି ଏବଂ ଏହି ଟିମ ଆଗାମୀ ଦୁଇ ଦିନ ମଧ୍ୟରେ ଘଟଣାର ତଦନ୍ତ କରି ରିପୋର୍ଟ ଉପସ୍ଥାପନ କରିବ ବୋଲି କହିଛନ୍ତି ଉପ-ମୁଖ୍ୟମନ୍ତ୍ରୀ। ସ୍ବର୍ଣ୍ଣ ମନ୍ଦିରରେ ଘଟିଥିବା ଘଟଣାକୁ ଦୁର୍ଭାଗ୍ୟଜନକ ବୋଲି କହିବା ସହ ଏହାର ପୁଙ୍ଖାନୁପୁଙ୍ଖ ତଦନ୍ତ କରାଯିବ ବୋଲି ଉପ-ମୁଖ୍ୟମନ୍ତ୍ରୀ କହିଛନ୍ତି।

ସୂଚନା ମୁତାବକ, ଶନିବାର ସନ୍ଧ୍ୟାରେ ଶ୍ରୀ ଦରବାର ସାହିବରେ ରହରାସ ସାହେବ ପାଠ କରାଯାଉଥିଲା । ଏହି ସମୟରେ ଜଣେ ୨୨ ବର୍ଷର ଯୁବକ ମୁଣ୍ଡିଆ ମାରି ଲାଗିଥିବା ବ୍ୟାରିକେଡ଼କୁ ଡେଇଁ ଶ୍ରୀ ଗୁରୁ ଗ୍ରନ୍ଥ ସାହିବ ନିକଟରେ ପହଞ୍ଚିଥିଲେ । ଏହା ଦେଖି ସେବକମାନେ ତାଙ୍କୁ ଧରି ପୁଲିସକୁ ହସ୍ତାନ୍ତର କରିବାକୁ ନେବାବେଳେ କିଛି ଲୋକ ତାଙ୍କୁ ଆକ୍ରମଣ କରିଥିଲେ । ଆଉ ଦରବାର ସାହିବ ପରିସରରେ ତାଙ୍କୁ ହତ୍ୟା କରିଥିଲେ। ଦୀର୍ଘ ସମୟ ଧରି ଯୁବକଙ୍କ ମୃତଦେହ ଦରବାର ସାହିବ କମ୍ପ୍ଲେକ୍ସରେ ପଡ଼ି ରହିଥିଲା । ଏହା ପରେ ମୃତଦେହ ପୁଲିସକୁ ହସ୍ତାନ୍ତର କରାଯାଇଥିଲା।

Powered by Froala Editor