ମଧ୍ୟପ୍ରଦେଶର ଶକ୍ତି ମନ୍ତ୍ରୀ ପ୍ରଦ୍ୟୁମ୍ନ ସିଂ ତୋମାର ଗୁଆଲିୟର ବାଣ୍ଟିଛନ୍ତି ସ୍ୱଚ୍ଛତାର ବାର୍ତ୍ତା । ଏକ ସରକାରୀ ବିଦ୍ୟାଳୟର  ଶୌଚାଳୟ ସଫା କରି ଲୋକଙ୍କୁ ପରିଷ୍କାର ପରିଚ୍ଛନ୍ନତାର ବାର୍ତ୍ତା ଦେଇଛନ୍ତି।  ‌ତେବେ ଏହା ପ୍ରଥମ ଘଟଣା ନୁହେଁ, ଏହାପୂର୍ବରୁ ଶକ୍ତି ମନ୍ତ୍ରୀ ପ୍ରଦ୍ୟୁମ୍ନ ସିଂ ତୋମାର ସର୍ବସାଧାରଣ ଶୌଚାଳୟ ସଫା କରିବା ସହ ରାସ୍ତା ସଫା କରୁଥିବା ନଜର ଆସିଛନ୍ତି।

ସୂଚନାଅନୁସାରେ, ପ୍ରଦ୍ୟୁମ୍ନ ସିଂ ତୋମାର ସରକାରୀ ବାଳିକା ମାଧ୍ୟମିକ ବିଦ୍ୟାଳୟକୁ ଯାଞ୍ଚ କରିବାକୁ ଆସିଥିଲେ। ଏଠାରେ ସେ ବିଦ୍ୟାଳୟର ଛାତ୍ରଛାତ୍ରୀମାନଙ୍କ ସହ ଆଲୋଚନା କରିଥିଲେ। ବିଦ୍ୟାଳୟର ପାଇଖାନା ଅତ୍ୟନ୍ତ ମଇଳା ବୋଲି ଛାତ୍ରୀମାନେ ମନ୍ତ୍ରୀଙ୍କୁ କହିଥିଲେ। ଏହି କାରଣରୁ ସେମାନଙ୍କୁ ଅନେକ ଅସୁବିଧାର ସମ୍ମୁଖୀନ ହେବାକୁ ପଡ଼ୁଛି। ଏହା ଶୁଣି ଶକ୍ତି ମନ୍ତ୍ରୀ ସିଧା ଶୌଚାଳୟକୁ ଯାଇ ନିଜ ହାତରେ ସଫା କରିଥିଲେ। ଏଥିସହିତ ଶକ୍ତି ମନ୍ତ୍ରୀ ପରିଷ୍କାର ପରିଚ୍ଛନ୍ନତା ପାଇଁ ନିବେଦନ କରିବା ସହିତ ନଗରନିଗମ ଅଧିକାରୀଙ୍କୁ ସ୍କୁଲ ଶୌଚାଳୟକୁ ପ୍ରତିଦିନ ସଫା ରଖିବାକୁ ନିର୍ଦେଶ ଦେଇଛନ୍ତି।

ସେ କହିଛନ୍ତି ଯେ, ପରିଷ୍କାର ପରିଚ୍ଛନ୍ନତାର ବାର୍ତ୍ତା ସମସ୍ତ ଲୋକଙ୍କ ନିକଟରେ ପହଞ୍ଚିବା ହେଉଛି ମୋର ଲକ୍ଷ୍ୟ। ଅନ୍ୟମାନେ ସ୍ୱଚ୍ଛତା ପ୍ରତି ସଚେତନ ହେବା ଉଚିତ ବୋଲି ସେ କହିଛନ୍ତି।

Powered by Froala Editor