ଲକଡାଉନ୍ ଜରୁରୀ: ବିଶେଷଜ୍ଞ
ନୂଆଦିଲ୍ଲୀ: ବିଶ୍ୱରେ କାୟା ମେଲାଉଛି ଓମିକ୍ରନ । ଦକ୍ଷିଣ ଆଫ୍ରିକାରେ ପ୍ରଥମେ ଚିହ୍ନଟ ହୋଇଥିବା କରୋନାର ନୂଆ ଭାରିଆଣ୍ଟ ଓମିକ୍ରନକୁ ନେଇ ଚିନ୍ତାରେ ସାରା ବିଶ୍ୱ । କଟକଣା ସତ୍ତ୍ୱେ କରୋନାର ନୂଆ ଭାରିଆଣ୍ଟ ଓମିକ୍ରନ ଅନେକ ଦେଶରେ ତା’ର ତାଣ୍ଡବ ରଚିବାରେ ଲାଗିଛି । ବିଶ୍ୱ ସ୍ୱାସ୍ଥ୍ୟ ସଂଗଠନ ଅନୁଯାୟୀ ଏପର୍ଯ୍ୟନ୍ତ ଓମିକ୍ରନ ୭୭ଟି ଦେଶରେ ବ୍ୟାପିଛି ଓ କରୋନାର ଅନ୍ୟ ଭାରିଆଣ୍ଟତୁଳନାରେ ଏହା ଲୋକଙ୍କୁ ଦ୍ରୁତ ଗତିରେ ସଂକ୍ରମିତ କରୁଛି ।
ତେବେ ଏହି ସମୟରେ ସଂକ୍ରମଣ ଚେନ୍ ରୋକିବା ପାଇଁ ଲକଡାଉନ୍ ଜରୁରୀ ବୋଲି ବିଶେଷଜ୍ଞମାନେ ଚେତାବନୀ ଦେଇଛନ୍ତି । ନେଦରଲ୍ୟାଣ୍ଡ ସ୍ୱାସ୍ଥ୍ୟମନ୍ତ୍ରୀ ହୁ୍ୟଗୋ ଡି ଜୋଙ୍ଗ କହିଛନ୍ତି, ମେୁଁ ମୋ ପକ୍ଷରୁ କିଛି କହିବି ନାହିଁ କିନ୍ତୁ ସରକାର ସ୍ୱାସ୍ଥ୍ୟ ବିଶେଷଜ୍ଞଙ୍କ ପରାମର୍ଶକୁ ଅନୁସରଣ କରିବେ । ନେଦରଲ୍ୟାଣ୍ଡ ପରି ଓମିକ୍ରନ ସଂକ୍ରମଣ ବୃଦ୍ଧି ପାଉଥିବା ଦେଶରେ ମଧ୍ୟ ଲକଡାଉନ୍ କରାଯିବା ଆବଶ୍ୟକ । ଏହା ଦ୍ୱାରା ଅଣାୟତ୍ତ ସ୍ଥିତିକୁ ଦୂରେଇ ରହି ହେବ ବୋଲି ବିଶ୍ୱ ସ୍ୱାସ୍ଥ୍ୟ ସଂଗଠନର ବିଶେଷଜ୍ଞମାନେ ମତ ଦେଇଛନ୍ତି ।
Powered by Froala Editor
