ପୁଲିସ ଏସଆଇଙ୍କୁ ହତ୍ୟା କଲେ ମାଓବାଦୀ
ମାଲକାନଗିରି: ସୀମାନ୍ତ ଛତିଶଗଡ଼ ରାଜ୍ୟ ବିଜାପୁର ଜିଲ୍ଲାରେ ମାଓବାଦୀ ପୁଣି ଘଟାଇଛନ୍ତି ବର୍ବରକାଣ୍ଡ । ଗତ ୨୧ ତାରିଖରେ ବିଜାପୁର ଜିଲ୍ଲା ଗାଙ୍ଗୁଲର ଥାନା ପାଲନାଡ ଗାଁରେ ଆଦିବାସୀ ମେଳା ଦେଖିବାକୁ ଯାଇଥିବା ଡିଆଇଜି ପୁଲିସ ଏସଆଇ ମୂରଲୀ ତାତିଙ୍କୁ ବନ୍ଧୁକ ଦେଖାଇ କେତେକ ମାଓବାଦୀ ଅପହରଣ କରି ନେଇଥିଲେ । ଏସଆଇଙ୍କୁ ମୁକ୍ତ କରିବା ପାଇଁ ତାଙ୍କ ପତ୍ନୀ ଓ ଭାଇ ମାଓବାଦୀଙ୍କୁ ବହୁତ ଅନୁରୋଧ କରିବା ସତ୍ତ୍ୱେ ସେମାନେ ଛାଡ଼ି ନଥିଲେ । ଅପହରଣର ତିନି ଦିନ ପରେ ଦୁଃଖଦ ଖବର ଆସିଛି । ପ୍ରଜାକୋର୍ଟରେ ହାଜର କରି ଏସଆଇ ଶ୍ରୀ ତାତିଙ୍କୁ ମାଓବାଦୀମାନେ ଶେଷରେ ମୃତୁ୍ୟଦଣ୍ଡ ଦେଇଛନ୍ତି । ତାଙ୍କୁ ନିର୍ମମ ଭାବେ ହତ୍ୟା କରି ନିକଟସ୍ଥ ପାଲନାଡ ଜଙ୍ଗଲରେ ମାଓବାଦୀମାନେ ମୃତଦେହକୁ ଫିଙ୍ଗି ଦେଇ ପଳାଇଛନ୍ତି । ମୃତ ଶରୀରର ପେଟ ଉପରେ ମାଓବାଦୀଙ୍କ ପଶ୍ଚିମ ବସ୍ତର ଡିଭିଜନ ତରଫରୁ ଏକ ଚିଠି ପକାଇ ଦିଆଯାଇଛି । ସେଥିରେ ଉଲ୍ଲେଖ ରହିଛି, ଏସଆଇ ତାତି ଜଣେ ପୁଲିସର ସୂଚନାଦାତା ଭାବେ କାମ କରି ଅନେକ ମାଓବାଦୀଙ୍କୁ ଗିରଫ କରାଇଛନ୍ତି । ତେଣୁ ତାଙ୍କୁ ପ୍ରଜାକୋର୍ଟରେ ମୃତୁ୍ୟଦଣ୍ଡ ଦିଆଗଲା ।
Powered by Froala Editor
