କରୋନାରେ ଚମକିଲା ଭାଗ୍ୟ : ୫୦୦ ଟଙ୍କାରେ କୋଟିପତି ହୋଇଗଲେ ରାଜକାନ୍ତ
![କରୋନାରେ ଚମକିଲା ଭାଗ୍ୟ : ୫୦୦ ଟଙ୍କାରେ କୋଟିପତି ହୋଇଗଲେ ରାଜକାନ୍ତ](https://odishanewslens.com/news_gallery/845_1619278170.png)
କରୋନାରେ ଲୋକଙ୍କ ଆଥିିକ ସ୍ଥିତି ଦୋହଲିଯାଇଛି । ବଡ ବଡ ଶିଳ୍ପସଂସ୍ଥାରେ ମଧ୍ୟ ତାଲା ଝୁଲିଲାଣି । ଲୋକେ ହାହାକାର କରୁଛନ୍ତି । ଏଭଳି ସ୍ଥିତିରେ ଜଣେ ବ୍ୟକ୍ତି କୋଟିପତି ପାଲଟି ଯାଇଛନ୍ତି । ସେ ହେଉଛନ୍ତି ମହାରାଷ୍ଟ୍ର ଠାଣେ ଜିଲ୍ଲାର ରାଜକାନ୍ତ ପାଟିଲ । ତେବେ ଏହା କେମିତି ସମ୍ଭବ ଜାଣିଲେ ଆଶ୍ଚର୍ଯ୍ୟ ହେବେ ।
ରାଜକ।ନ୍ତ କରୋନା ଆକ୍ରାନ୍ତ ହୋଇ ହସ୍ପିଟାଲରେ ଭର୍ତ୍ତି ହୋଇଥିଲେ। ବ୍ୟବସାୟରେ ଘାଟା ପୁଣି କରୋନାରେ ସଂକ୍ରମିତ ହେବା ପରେ ଏକ ପ୍ରକାର ଭାଙ୍ଗି ପଡ଼ିଥିଲେ ରାଜକାନ୍ତ ପାଟିଲ। ସୁସ୍ଥ ହୋଇ ହସ୍ପିଟାଲରୁ ଫେରିବା ପରେ ତାଙ୍କ ପାଖକୁ ଆସିଥିବା ଏକ ଫୋନ୍ କଲ ସବୁ କିଛି ବଦଳାଇ ଦେଇଛି।
ପ୍ରକୃତରେ ୫ କୋଟି ଟଙ୍କାର ଲଟେରୀ ଜିତିଥିବା ନେଇ ଫୋନ୍ କଲ୍ ଆସିଥିଲା। ପ୍ରଥମେ ରାଜକାନ୍ତ ଏହାକୁ ଥଟ୍ଟା ବୋଲି ଭାବିଥିଲେ। କିନ୍ତୁ ପୁଣି ଥରେ ସମାନ କଲ୍ ଆସିବାରୁ ତାଙ୍କୁ ବିଶ୍ବାସ ହୋଇଥିଲା ଯେ ତାଙ୍କ ଭାଗ୍ୟ ଚମକିବାକୁ ଯାଉଛି। ସୂଚନା ଅୁନସାରେ, ରାଜକାନ୍ତ ପଞ୍ଜାବରେ ୨ ହଜାର ଟଙ୍କାରେ ୧୨ଟି ଲଟେରୀ ଟିକେଟ୍ ଅନଲାଇନ୍ରେ କିଣିଥିଲେ। ସେଥିମଧ୍ୟରୁ ୫୦୦ ଟଙ୍କିଆ ଲଟେରୀ ତାଙ୍କ ଭାଗ୍ୟ ବଦଳାଇଦେଇଛି। ସତରେ ସେୟା ହିଁ ହେଲା। ସେ ପୁଣି ଥରେ ନିଜର ବ୍ୟବସାୟ ଆରମ୍ଭ କରିବାକୁ ଯୋଜନା ମଧ୍ୟ କରୁଛନ୍ତି। ମା, ପତ୍ନୀ ଏବଂ ଦୁଇ ପୁଅଙ୍କ ସହ ରହୁଥିବା ରାଜକାନ୍ତ ଲଟେରୀ ଟଙ୍କା ବିଜ୍ନେସ୍ରେ ଲଗାଇବେ ବୋଲି ସ୍ଥିର କରିଛନ୍ତି।
Powered by Froala Editor