ବିଦ୍ୟୁତ ତାର ସଂସ୍ପର୍ଶରେ ଆସି ଦୁଇ ଜୀବନ୍ତ ଦଗ୍ଧ
ବୌଦ୍ଧ: ଛାଡଖାଇରେ ଶିକାର ହେଲେ ୨ ଶିକାରୀ । ବନ୍ୟଜନ୍ତୁଙ୍କ ଶିକାର ପାଇଁ ବିଦ୍ୟୁତ ତାର ବିଛାଉଥିବା ତାର ସଂସ୍ପର୍ଶରେ ଆସି ଦୁଇ ଜଣ ଜୀବନ୍ତ ଦଗ୍ଧ ହୋଇଯାଇଛନ୍ତି । ଏପରି ଚାଞ୍ଚଲ୍ୟକର ଘଟଣା ଘଟିଛି ବୌଦ୍ଧ ବନାଞ୍ଚଳରେ ।
ବୌଦ୍ଧ ବନାଞ୍ଚଳର ବଘିଆପଡା ଜଙ୍ଗଲ ଅଞ୍ଚଳରେ ଜଙ୍ଗଲ କର୍ମଚାରୀମାନେ ଚଢାଉ କରି ବିଦ୍ୟୁତ ତାର ମାଧ୍ୟମରେ ବାରହା ଶିକାର ପାଇଁ ଛକି ବସିଥିବା ଦଶରୁ ଊର୍ଦ୍ଧ୍ବ ଶିକାରୀଙ୍କ ମଧ୍ୟରୁ ତିନି ଜଣଙ୍କୁ ଗିରଫ କରି କୋର୍ଟଚାଲାଣ କରିଥିଲା ।ସେପଟେ ପୁଣି ଶନିବାର ଛାଡଖାଇରେ ଘଟିଛି ଅଘଟଣ । ସେହି ବଘିଆପଡା ସେକ୍ସନ ଅନ୍ତର୍ଗତ କୁରୁକୁଚ ଗ୍ରାମ ନିକଟରେ ଦୁଇ ଜଣ ଶିକାରୀ ବନ୍ୟଜନ୍ତୁଙ୍କ ଶିକାର ପାଇଁ ବିଦ୍ୟୁତ ତାର ସଂଯୋଗ କରୁ ଥିବାବେଳେ ସେହି ତାରରେ ଲାଗି ଦୁଇ ଜଣ ଜୀବନ୍ତ ଦଗ୍ଧ ହୋଇଯାଇଛନ୍ତି । ଏଭଳି ଘଟଣା ସମଗ୍ର ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇ ଥିବାବେଳେ ଜିଲ୍ଲାରେ ବାରମ୍ବାର ବନ୍ୟଜନ୍ତୁଙ୍କ ଶିକାରକୁ ନେଇ ବୁଦ୍ଧିଜୀବୀ ଚିନ୍ତା ପ୍ରକାଶ କରିଛନ୍ତି ।
Powered by Froala Editor
