ଶୌଚ ପାଇଁ ଯାଇଥିବା ବେଳେ କଚାଡି ଦେଲା ହାତୀ
ସୁନ୍ଦରଗଡ଼: ଥମିବାର ନା ନେଉନି ମଣିଷ ଓ ହାତୀ ଲଢେଇ । କେଉଁଠି ହାତୀ ଆକ୍ରମଣରେ ମଣିଷର ମୃତୁ୍ୟ ହେଉଛି ତ କେଉଁଠି ମଣିଷର ବିଦୁ୍ୟତ ଜାଲରେ ପଡ଼ି ହାତୀର ମୃତୁ୍ୟ ହେଉଛି । ତେବେ ଏହାରି ଭିତରେ ଶୌଚ ପାଇଁ ଯାଇଥିବା ବେଳେ କଚାଡି ଦେଲା ହାତୀ। ଏପରି ଦୁଃଖଦ ଘଟଣା ଘଟିଛି ସୁନ୍ଦରଗଡ଼ ଜିଲ୍ଲା ଉଜ୍ଜଳପୁର ଫରେଷ୍ଟ ରେଞ୍ଜର କିଞ୍ଜିରକେଲା ସେକ୍ସନ ରଷ୍ଟି ଗାଁରେ। ମୃତ ବ୍ୟକ୍ତି ଜଣଙ୍କ ହେଲେ ମୁରଲୀ ଖଡ଼ିଆ ।
ସୂଚନା ଅନୁସାରେ, ଆଜି ସକାଳେ ମୁରଲି ନିଜ ଶ୍ୱଶୁର ଓ ପୁଅ ସହିତ ଶୌଚ ପାଇଁ ଗାଁ ମୁଣ୍ଡ ନାଳକୁ ଯାଇଥିଲେ। ଏହି ସମୟରେ ସେଠାକୁ ଦୁଇଟି ହାତୀ ଆସିଯାଇଥିଲେ। ହାତୀକୁ ଦେଖି ମୁରଲିଙ୍କ ଶ୍ୱଶୁର ଓ ପୁଅ ସେଠାରୁ ଦୌଡ଼ି ପଳାଇଯାଇଥିଲେ। ମୁରଲି ହାତୀ ହାବୁଡ଼ରେ ପଡିଯାଇଥିଲେ। ହାତୀ ତାଙ୍କୁ କଚାଡି ମାରିଦେଇଥିବା ଜଣାଯାଇଛି।
ଖବର ପାଇ କିଞ୍ଜିରକେଲା ଥାନା ପୁଲିସ ଏବଂ ବନ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି।
Powered by Froala Editor
