ଭୁବେନେଶ୍ୱର: ଆଜି ବହୁ ପ୍ରତୀକ୍ଷିତ ଅଫଲାଇନରେ ହୋଇଥିବା ଯୁକ୍ତ ଦୁଇ ପରୀକ୍ଷା ଫଳ ପ୍ରକାଶ ପାଇବ । ଚଳିତ ବର୍ଷ କରୋନା ମହାମାରୀ ଭୟ ଯୋଗୁଁ ଯୁକ୍ତ ଦୁଇ ଛାତ୍ରଛାତ୍ରୀମାନେ ପରୀକ୍ଷା ଗୃହରେ ବସି ପରୀକ୍ଷା ଦେଇନଥିଲେ । ତେଣୁ ବିକଳ୍ପ ମୂଲ୍ୟାୟନ କରାଯାଇ ପରୀକ୍ଷା ଫଳ ପ୍ରକାଶ ପାଇଥିଲା । ଏହି ପରୀକ୍ଷା ଫଳକୁ ନେଇ ଅନେକ ଛାତ୍ରଛାତ୍ରୀ ଅସନ୍ତୁଷ୍ଟ ହୋଇଥିଲେ । 

ତେବେ ଅସନ୍ତୁଷ୍ଟ ଛାତ୍ରଛାତ୍ରୀଙ୍କ ପାଇଁ ପୁଣି ଥରେ ଅଫଲାଇନରେ ପରୀକ୍ଷା ଦେବାକୁ ମଧ୍ୟ ଏକ ବିକଳ୍ପ ରଖାଯାଇଥିଲା । ତେବେ ସେମାନେ ପୁଣି ଫର୍ମ ଫିଲପ କରି ପରୀକ୍ଷା ଗୃହରେ ବସି ପରୀକ୍ଷା ଦେଇଥିଲେ । ଏହି ଅଫଲାଇନ୍ ପରୀକ୍ଷା ଅକ୍ଟୋବର ୧ରୁ ୧୧ ମଧ୍ୟରେ ପରୀକ୍ଷା କରାଯାଇଥିଲା । ୨ଟି ଇଲେକ୍ଟିଭ୍‌ ସବ୍‌ଜେକ୍ଟ ଓ ମାତୃଭାଷାରେ ପରୀକ୍ଷା ହୋଇଥିଲା

ତେବେ ଗତକାଲି ସନ୍ଧ୍ୟାରେ ପରୀକ୍ଷା ଫଳ ପ୍ରକାଶ ପାଇବ ବୋଲି କୁହାଯାଉଥିଲା କିନ୍ତୁ କୌଣସି କାରଣ ପାଇଁ କାଲି ପ୍ରକାଶ ପାଇନଥିଲା । ତେବେ ଆଜି ଅଫଲାଇନରେ ହୋଇଥିବା ଯୁକ୍ତ ଦୁଇ ପରୀକ୍ଷା ଫଳ ପ୍ରକାଶ ପାଇବ ବୋଲି ଗଣଶିକ୍ଷା ମନ୍ତ୍ରୀ ସମୀର ଦାଶ ସୂଚନା ଦେଇଛନ୍ତି । ସୂଚନା ଅନୁସାରେ ୧୩ହଜାର ୪୩ ଜଣ ପରୀକ୍ଷାର୍ଥୀ ଅଫଲାଇନରେ ପରୀକ୍ଷା ଦେବା ପାଇଁ ପଞ୍ଜିକୃତ କରିଥିଲେ । ତେବେ www.orissaresults.nic.in  ୱେବସାଇଟରେ ରେଜଲ୍ଟ ପ୍ରକାଶ ପାଇବ ବୋଲି ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ଘୋଷଣା କରାଯାଇଛି ।  

Powered by Froala Editor