ଭୁବନେଶ୍ବର: ଆ-କା-ମା-ବୈ , ପାନ-ଗୁଆ-ଥୋଇ, ପାନ-ଗୁଆ ତୋର ମାସିକ ଧର୍ମ ମୋର । ଆଜି ପବିତ୍ର କାର୍ତ୍ତିକ ପୂର୍ଣ୍ଣମା । ଧାର୍ମୀକ କାର୍ତ୍ତିକ ମାସର ଆଜି ଶେଷ ଦିନ । ଆଜିର ଦିନରେ ଏହି ଗୀତ ଗୁଣଗୁଣାଇ ନଦୀରେ ଡଙ୍ଗା ଭସାଯାଇଥାଏ । କିନ୍ତୁ କୋରୋନା କଟକଣା ପାଇଁ ଗତବର୍ଷ ପରି ଚଳିତ ବର୍ଷ ମଧ୍ୟ ସାମୁହିକ ଭାବେ ଡଙ୍ଗା ଭସା ପାଳନ ହୋଇ ନାହିଁ । କଟକଣା ମଧ୍ୟରେ କିଛି ସ୍ଥାନରେ ପରମ୍ପରା ଅନୁଯାୟୀ ପାଳନ ହୋଇଛି ଡଙ୍ଗା ଭସା । ଏନେଇ ବିଭିନ୍ନ ସ୍ଥାନରେ ଜାରି ହୋଇଛି ୧୪୪ ଧାରା ।କାର୍ତ୍ତିକ ପୂର୍ଣ୍ଣିମାକୁ ବୋଇତ ବନ୍ଦାଣ ମଧ୍ୟ କୁହାଯାଏ । କାହିଁ କେଉଁ କାଳରୁ ଓଡିଆ ଜିତିର ପରମ୍ପରା ହେଉଛି ବୋଇତ ବନ୍ଦାଣ ଉତ୍ସବ । ଆଜିର ଦିନରେ ସକାଳ ସମୟରେ ନଦୀ ଓ ପୁଷ୍କରିଣୀ ଗୁଡିକରେ ଡଙ୍ଗା ଭଷାଇବାକୁ ସକାଳୁ ସକାଳୁ ଲୋକଙ୍କ ଭିଡ ଜମେ । କାର୍ତ୍ତିକ ମାସ ପଞ୍ଚୁକର ଶେଷ ଦିନ ବୋଇତ ବନ୍ଦାଣ କରାଯାଏ । ଏହାକୁ ପ୍ରାଚୀନ ଉତ୍କଳର ସମୃଦ୍ଧ ନୌବାଣିଜ୍ୟ ସହିତ ଯୋଡି ଅନେକ ଅର୍ଥ କରିଥାନ୍ତି । ଆ-କାର ଅର୍ଥ ଆଷାଢ ଓ କାର୍ତ୍ତିକ ମା ବୈର ଅର୍ଥ ଭୟ କରନାହିଁ । ପୂର୍ବେ ଉତ୍କଳର ସାଧବ ପୁଅ ମାନେ ଦରିଆ ପାରି ହୋଇ ହୋଇ ଅନ୍ୟ ରାଜ୍ୟରେ ବେପାର ବଣିଜ କରୁଥିଲେ । ଏଥିପାଇଁ ଶୁଭ ମାସ ଥିଲା କାର୍ତ୍ତିକ ଓବଂ ଫେରିବା ପାଇଁ ଆଷାଢ ଥିଲା ନିରାପଦ ମାସ । କାରଣ ଏଥି ସମୟରେ କୌଣସି ସାମୁଦ୍ରିକ ଝଡର ଭୟ ନଥାଏ । ସେଥିପାଇଁ କାର୍ତ୍ତିକ ପୂର୍ଣ୍ଣମୀରେ ଡଙ୍ଗା ଭଷାଇବା ବେଳେ ଆ-କା-ମା ବୈ ବୋଲାଯାଏ ।ଧାର୍ମିକ ଆଚାରରେ ଆଷାଢ, କାର୍ତ୍ତିକ, ମାଘ ଓ ବୈଶାଖ ହେଉଛି ପୁଣ୍ୟମାସ । ଏହି ଚାରି ପୂଣ୍ୟ ମାସକୁ ମଧ୍ୟ ଆ-କା-ମା ବୌ ଭାବରେ ସୂଚାଯାଏ । ଏହି ଚାରିମାସ ବ୍ରତ କରି ମାସ ଶେଷର ପୂର୍ଣ୍ଣମୀରେ ଦାନକଲେ ପରମ ପୂଣ୍ୟ ମିଳେ । ଓଡିଆ ସଂସ୍କୃତି ଓ ପରମ୍ପରାର ଏହି ମହାନ ପର୍ବକୁ ନେଇ ପୂରା ରାଜ୍ୟ ଉତ୍ସବ ମୁଖର ହୋଇଛି ।
ମାସକ ଯାକ କାର୍ତ୍ତିକ ବ୍ରତ ରଖିବା ପରେ ପଞ୍ଚୁକର ଶେଷ ଦିନ ଗାଁର ନଦୀ ଓ ପୁଷ୍କରୀଣଇରେ ଡଙ୍ଗା ଭଷା ଉତ୍ସବ ପାଳନ କରାଯଏ । ଏନେଇ ଆଜି ସକାଳୁ ସକାଳୁ ବ୍ରତଧାରୀଙ୍କ ନଦୀରେ ଭିଡ ଜମେ । ନଦୀରେ ଗାଧୋଇ ସାରିବା ପରେ ବ୍ରତଧାରୀ , ଆବାଳ ବୃଦ୍ଧ ବନିତା କଦଳୀ ପାଟୁକା ଓ ସୋଲରେ ତିଆରି ଡଙ୍ଗାରେ ପାନଗୁଆ ରଖି ଦୀପ ଜାଳି ଡଙ୍ଗା ଭସାଇଛନ୍ତି । ବିଶେଷତଃ କଦଳୀ ପାଟୁଆରେ ଡଙ୍ଗା ତିଆରି କରି ଭଷାଯିବାର ପରମ୍ପରା ରହିଛି । ଡଙ୍ଗା ଭଷା ଯିବା ପରେ ଆବାଳ ବୃଦ୍ଧ ବନିତା ଘରକୁ ଫେରି ସମସ୍ତେ ଚଉରା ମୂଳେ ମୁରୁଜ ଆଙ୍କିଥାନ୍ତି । ଏହାପରେ ଶୈବ ପୀଠ ଗୁଡିକୁ ଦର୍ଶନ ପାଇଁ ଯାଇଥାନ୍ତି । ଅନେକ ସ୍ଥାନରେ କାର୍ତ୍ତିକ ମୂର୍ତ୍ତି ତିଆରି କରି ମଧ୍ୟ ପୂଜାର୍ଚ୍ଚନା କରାଯାଏ ।

Powered by Froala Editor