ସୁରକ୍ଷାକର୍ମୀଙ୍କୁ ବଡ଼ ସଫଳତା,ଏନକାଉଣ୍ଟରରେ ୫ ଆତଙ୍କବାଦୀ ନିପାତ
ଜମ୍ମୁକାଶ୍ମୀର: ଜମ୍ମୁକାଶ୍ମୀରରେ ସେନା ତଥା ସୁରକ୍ଷାକର୍ମୀଙ୍କୁ ବଡ଼ ସଫଳତା । ଏନକାଉଣ୍ଟରରେ ନିପାତ ହେଲେ ୫ କୁଖ୍ୟାତ ଆତଙ୍କବାଦୀ । ଦକ୍ଷିଣ କାଶ୍ମୀରର କୁଲଗାମ୍ ଜିଲ୍ଲାରେ ସେନା ଏବଂ ସ୍ଥାନୀୟ ପୁଲିସ୍ ତରଫରୁ ବୁଧବାର ଦିନ ସାରା ଚାଲିଥିବା ଅପରେସନରେ ଏହି ସଫଳତା ମିଳିଛି ।
ଦୁଇଟି ଅଲଗା ଅଲଗା ଏନକାଉଣ୍ଟରରେ ୫ ଜଣ ମୋଷ୍ଟ ଓ୍ବାଣ୍ଟେଡ୍ ଆତଙ୍କବାଦୀ ଖଲାସ ହୋଇଥିବାର ସୂଚନା ମିଳିଛି । କୁଲଗାମର ପମ୍ବେ ଏବଂ ଗୋପାଲପୁରା ଅଂଚଳରେ ଲୁଚିଥିଲେ ଏହି ଆତଙ୍କବାଦୀ । ଆତଙ୍କବାଦୀ ସଂଗଠନ ‘ଦ ରେଜିଷ୍ଟାନ୍ସ ଫ୍ରଣ୍ଟର ସଦସ୍ୟ ହେଉଛନ୍ତି ଏହି ଆତଙ୍କବାଦୀ ।
ବୁଧବାର ଦକ୍ଷିଣ କାଶ୍ମୀରର କୁଲଭାମ ଅନ୍ତର୍ଗତ ଭୋପାଲପୁରା ଅଞ୍ଚଳରେ ସୁରକ୍ଷା କର୍ମୀ ଏବଂ ଆତଙ୍କବାଦୀ ମାନେ ମୁହାଁମୁହିଁ ହୋଇଥିଲେ । ପୋଲିସ ସେଠାରେ ପହଁଞ୍ଚି ଘେରାଉ କରିବା ସହ ସର୍ଚ୍ଚ ଅପରେସନ ଆରମ୍ଭ କରିଥିଲା । ତେବେ ଆତଙ୍କୀମାନେ ପ୍ରଥମେ ଗୁଳି ଚଳାଇଥିବା ବେଳେ ସୁରକ୍ଷା ବାହିନୀ ମଧ୍ୟ ପାଲଟା ଆକ୍ରମଣ କରିଥିଲା, ଯେଉଁଥିରେ ୫ ଆତଙ୍କୀଙ୍କ ଜୀବନ ଯାଇଥିବା ସୂଚନା ମିଳିଛି।
Powered by Froala Editor
