ଆଶାରାମ ବାପୁ ଅସୁସ୍ଥ
ନୂଆଦିଲ୍ଲୀ: ଆତ୍ମଘୋଷିତ ବାବା ଆଶାରାମ ବାପୁ ଅସୁସ୍ଥ । ଶନିବାର ସେ ଯୋଧପୁର ସ୍ଥିତ ଏମ୍ସ ହସ୍ପିଟାଲର ଓଉଟରେ ଭର୍ତ୍ତି ହୋଇଛନ୍ତି । ଆଶାରାମ ପରିସ୍ରା ସଂକ୍ରମଣ ଏବଂ ଲିଭର ସମସ୍ୟାରେ ପୀଡିତ ଅଛନ୍ତି । ଗତ ୫ ଦିନ ହେଲା ସେ ଜ୍ବରରେ ମଧ୍ୟ ପୀଡିତ ଥିଲେ ।
ହସ୍ପିଟାଲରେ ୮୦ ବର୍ଷୀୟ ଆଶାରାମଙ୍କ କିଛି ମେଡିକାଲ ଟେଷ୍ଟ କରାଯିବା ସହ ୪୮ ଘଣ୍ଟା ପାଇଁ ନିରୀକ୍ଷଣରେ ରଖାଯାଇଛି । ଶନିବାର ତାଙ୍କୁ ଜେଲରୁ ହସ୍ପିଟାଲ ଆଣିବା ବେଳେ ହସ୍ପିଟାଲ ପରିସରରେ ତାଙ୍କର ବହୁସଂଖ୍ୟକ ସମର୍ଥକ ଜମା ହୋଇଥିଲେ । ପୋଲିସ ପକ୍ଷରୁ ଭିଡକୁ ହଟାଯାଇଥିଲା ।ଉଲ୍ଲେଖଯୋଗ୍ୟ, ଏକ ଦୁଷ୍କର୍ମ ମାମଲାରେ ଆଶାରାମ ବାପୁ ଯୋଧପୁର କେନ୍ଦ୍ରୀୟ ଜେଲରେ ଆଜୀବନ କାରାଦଣ୍ଡ ଭୋଗୁଛନ୍ତି । ପ୍ରତି ମାସରେ ଥରେ କିମ୍ବା ୨ ଥର ତାଙ୍କ ସ୍ବାସ୍ଥ୍ୟବସ୍ଥା ପରୀକ୍ଷା ପାଇଁ ଏମ୍ସକୁ ଅଣାଯାଉଛି । ୨୦୧୩ରେ ଜଣେ ୧୬ ବର୍ଷୀୟା ନାବାଳିକାକୁ ଦୁଷ୍କର୍ମ ନେଇ ଆଶାରାମଙ୍କ ବିରୁଦ୍ଧରେ ଅଭିଯୋଗ ହୋଇଥିଲା । ୨୦୧୪ରେ ତାଙ୍କୁ ଗିରଫ କରାଯାଇଥିଲା ।
Powered by Froala Editor
