ପୁଲିସ ଭ୍ୟାନରୁ ଶାଗୁଆନ କାଠ ଜବତ
ପାରଳାଖେମୁଣ୍ଡି: ଗଜପତି ଜିଲ୍ଲା ସଦରମହକୁମା ପାରଳାଖେମୁଣ୍ଡି ଫରେଷ୍ଟ ଗେଟ୍ ଛକ ନିକଟରୁ ଏକ ପୁଲିସ ଭ୍ୟାନରୁ ବିପୁଳ ପରିମାଣର ଶାଗୁଆନ କାଠ ଗଣ୍ଡି ଜବତ କରାଯାଇଛି। ଏହି ଘଟଣାରେ ପୁଲିସ ବିଭାଗର ତିନି ଜଣ ପୁଲିସ କର୍ମଚାରୀ ଓ ଆଉ ଜଣେ ପୁଲିସ ବିଭାଗର ଗାଡ଼ି ଡ୍ରାଇଭରଙ୍କୁ ଅଟକ ରଖାଯାଇଛି।
ଗାଡ଼ିଟି ପୁଲିସ ବିଭାଗର ତୃତୀୟ ବାଟାଲିୟନ ଓଏସଏପି ବୋଲି ଜଣାପଡ଼ିଛି। ଗାଡିରେ ୧୦୦ରୁ ଅଧିକ ଶାଗୁଆନ କାଠ ଗଣ୍ଡି ଥିବା ଜଣାପଡ଼ିଛି। ଯାହାର ଆନୁମାନିକ ମୂଲ୍ୟ ୬୦ରୁ ୭୦ ହଜାର ଟଙ୍କା ହେବ ବୋଲି ଅନୁମାନ କରାଯାଇଛି।
ମିଳିଥିବା ସୂଚନା ଅନୁସାରେ, ଗତକାଲି ବିଳମ୍ବିତ ରାତିରେ ଗଜପତି ଜିଲ୍ଲା ଜଙ୍ଗଲ ବିଭାଗ କର୍ମଚାରୀ ଡ୍ୟୁଟି ସାରି ଫେରୁଥିବା ବେଳେ ଫରେଷ୍ଟ ଗେଟ୍ ଦେଇ ପୁଲିସ ଗାଡିଟି ଯାଇଥିଲା। ବନ ବିଭାଗ କର୍ମଚାରୀ ଏହି ଗାଡ଼ିଟି ଅଟକାଇଥିଲେ। ହେଲେ ଗାଡ଼ି ନ ଅଟକି ପଳାଇଯାଇଥିଲା। ପରେ ବନ ବିଭାଗ କର୍ମଚାରୀ ଗାଡ଼ିକୁ ଗୁଡ଼ାଇ ଗୁଡ଼ାଇ ଧରିଥିଲେ। ଗାଡି ଯାଞ୍ଚ କଲା ବେଳେ ଗାଡ଼ିରୁ ଶାଗୁଆନ କାଠ ଗଣ୍ଡି ଥିବା ଜଣାପଡ଼ିଥିଲା।
Powered by Froala Editor
