ଭୁବନେଶ୍ୱର: ବୁ୍ୟଟିପାର୍ଲର ହେଉ କିମ୍ବା ଘରେ ୱାକ୍ସିଂ କରିବା ଲାଗି ବ୍ୟବହାର କରୁଥିବା ଅନେକ ୱାକ୍ସିଂ ପ୍ରଡକ୍ଟ କେମିକାଲଯୁକ୍ତ, ଯାହାକି ତ୍ୱଚାକୁ ଡ୍ରାଏ କରିବା ସହ ଆଲର୍ଜୀ ଭଳି ସମସ୍ୟା ମଧ୍ୟ ସୃଷ୍ଟି କରିଥାଏ । ଏହା ଶରୀର ଉପରେ ଖରାପ ପ୍ରଭାବ କରିଥାଏ । 
- ୱାକ୍ସିଂ କରିବାପରେ ଅନେକ ସମୟରେ ଉକ୍ତ ସ୍ଥାନ ଲାଲ ପଡିଯାଇଥାଏ । ଏହାକୁ ରୋକିବା ଲାଗି ଆଲୋଭେରା ଜେଲ୍ ଲଗେଇ ପାରିବେ । ଯଦି ଆଲୋଭେରା ଗଛ ଉପଲବ୍ଧ ନାହିଁ, ତେବେ ଡାକ୍ତରଙ୍କ ପରାମର୍ଶ ନେଇ ଆଲକୋହଲ ଫ୍ରି ଆଲୋଭେରା ପ୍ରଡକ୍ଟ ଆଣି ବ୍ୟବହାର କଲେ ମଧ୍ୟ ଯନ୍ତ୍ରଣାରୁ ଉପଶମ ପାଇପାରିବେ ।
-ୱାକ୍ସିଂ ପରେ ଜଳାପୋଡା ହେଲେ ତୁରନ୍ତ ଥଣ୍ଡା ପାଣିରେ ଧୁଅନ୍ତୁ କିମ୍ବା ୨୦ ମିନିଟ ପର୍ଯ୍ୟନ୍ତ ବୁଡାଇ ରଖନ୍ତୁ । ଯଦି ନକମୁଛି ଆଣ୍ଟିବ୍ୟାକ୍ଟେରିଆ ଅଏଣ୍ଟମେଣ୍ଟ ଲଗେଇପାରିବେ । 
-ୱାକ୍ସିଂ କରିବା ପରେ ଅନେକଙ୍କ ଠାରେ କୁଣ୍ଡେଇ ହେବା ଭଳି ସମସ୍ୟା ଦେଖା ଦେଇଥାଏ । ଯଦି ୨୪ ଘଣ୍ଟାରୁ ଅଧିକ ସମୟ ହୁଏ, ତେବେ ଉକ୍ତ ସ୍ଥାନରେ ମଶ୍ଚରାଇଜର କିମ୍ବା ଡାକ୍ତରଙ୍କ ପରାମର୍ଶ କ୍ରମେ ମେଡିସିନ୍ ଲଗାନ୍ତୁ ।
-ଆମ ଶରୀରର ଉପର ଚର୍ମ ବା ଏପିଡର୍ମାଲ ଲେୟାର ବହୁତ ପତଳା ଏବଂ ସମ୍ବେଦନଶୀଳ । ତେଣୁ ୱାକ୍ସିଂ କରିବାବେଳେ ଯଦି ଏହାର କିଛି ଅଂଶ ଉଠିଯାଏ, ଯାହାକି ଖରା ସଂସ୍ପର୍ଶରେ ଆସିଲେ ଖୁବ୍ ପୋଡାଜଳା ହୋଇଥାଏ । ତେଣୁ ୱାକ୍ସିଂ କରିବା କରିବା ପରେ ଖରାରେ ବୁଲନ୍ତୁ ନାହିଁ । 
-ୱାକ୍ସିଂ ପରେ ସେହି ସ୍ଥାନକୁ ଫେସୱାଶ୍ କିମ୍ବା ସାବୁନ ଲଗାଇ ନଖଉଷୁମ ପାଣିରେ ଧୋଇଦିଅନ୍ତୁ । ଯଦି ବ୍ରଣ କିମ୍ବା ଏଜିଙ୍ଗ୍ ବ୍ୟବହାର କରିଥିଲେ ତେବେ ୱାକ୍ସିଂ କରିବାର ୫-୬ ଦିନ ପୂର୍ବରୁ ଏହାକୁ ବ୍ୟବହାର କରିବା ବନ୍ଦ କରନ୍ତୁୁ ।

Powered by Froala Editor