ଭୁବନେଶ୍ୱର: ଦରଦାମ ବୃଦ୍ଧି ପ୍ରତିବାଦରେ ବିଜେଡି ରାଜଭବନ ଆଗରେ ବିକ୍ଷୋଭ ଓ ଧାରଣାର ଜବାବ ରଖିଛି ବିଜେପି। ବିଜେପି ରାଜ୍ୟ ସାଧାରଣ ସମ୍ପାଦକ ପୃଥ୍ୱୀରାଜ ହରିଚନ୍ଦନ ନିଜ ପତ୍ରିକ୍ରିୟାରେ କହିଛନ୍ତି, ମହିଳାଙ୍କ ସୁରକ୍ଷା କଥାକୁ ନେଇ ଯେତେବେଳେ ସାରା ରାଜ୍ୟ ଉଠପଡ ହୁଏ ସେତେବେଳେ ଶାସକ ଦଳ ଏମିତି କରେ । ମମିତା ମେହେର ହତ୍ୟା ଘାଟଣାରେ ଯେତେବେଳେ ଶାସକଦଳର ଜଣେ ମନ୍ତ୍ରୀଙ୍କ ସମ୍ପୃକ୍ତି ଆଉ ପ୍ରସାଶନ ପୁରା ଘଟଣାକୁ ଚପାଇବାକୁ ଚେଷ୍ଟା କରିଛି । ସେତେବେଳେ ବିଜୁ ଜନତା ଦଳର ଚିରାଚରିତ ଅଭ୍ୟାସ ପ୍ରସଙ୍ଗରୁ ନଜର ହଟାଇବା ପାଇଁ ବିଜେଡି ସେତେବେଳେ ଆନ୍ଦୋଳନର ଡାକରା ଦିଏ । ସ୍ୱର୍ଗତ ଆତ୍ମାକୁ ତା ପରିବାରକୁ ନ୍ୟାୟ ଦେବା ପରିବର୍ତ୍ତେ ଇସୁ ଡାଇଭର୍ଟ କରିବାକୁ ଯେଉଁ ନୂଆ ରାଜନୈତିକ ଖେଳ ଖେଳୁଛନ୍ତି ଏଥିରେ ବିଜେଡି ନେତୃତ୍ୱକୁ ଭଗବାନ ବି କ୍ଷମା ଦେବେ ନାହିଁ । ନ୍ୟାୟକୁ ଠିକ ବାଟରେ ଯିବାକୁ ଦିଆଯାଉ । ଯେଉଁମାନେ ସେଥିରେ ସମ୍ପୃକ୍ତ, ଯେଉଁ ମାନଙ୍କର କଥା ଉଠିଛି, ମନ୍ତ୍ରୀଙ୍କ ସମ୍ପୃକ୍ତି ଠୋସ ସ୍ୱର ଆସୁଛି ସେ ବାବଦରେ କୌଣସି ପଦକ୍ଷେପ ନନେଇ ଚାହିଁ ଜଳକା ଖେଳ ଖେଳୁଛନ୍ତି, ଏହା ବନ୍ଦ ହେବା ଦରକାର ।
କେବଳ ପେଟ୍ରୋଲ ଡିଜେଲ ଦର ବଢିବା କଥା ନୁହେଁ , ରାଜ୍ୟରେ ଚାଷୀର ଧାନ ବିକ୍ରି ହୋଇପାରୁନି, ପାନିପରିବା ଦର ବଢିଛି । ରାଜ୍ୟ ସରକାରଙ୍କ ନିୟନ୍ତ୍ରଣ ବାହାରେ ସେ କଥା ଅଛି । ସରକାରଙ୍କ ନିୟନ୍ତ୍ରଣରୁ ବାହାରେ ଦରଦାମ ବୃଦ୍ଧି । ଦାମ ବୃଦ୍ଧିରେ ସମତୁଲ ଆଣିବାରେ ସରକାର ଫେଲ । ପେଟ୍ରୋଲ ଡିଜେଲ ଦାମ ବୃଦ୍ଧିରେ ରାଜ୍ୟସରକାରଙ୍କ ବଡ଼ ସିଂହଭାଗ ରହିଛି । ଆଜି ଯେଉଁ ଉଦ୍ଦେଶ୍ୟରେ ଆନ୍ଦୋଳନ କରିଛନ୍ତି ତାହା ହାସ୍ୟାସ୍ପଦ । ମମିତା ମେହେର ହତ୍ୟାକାଣ୍ଡରୁ ନଜର ହଟାଇବା ଓ ମନ୍ତ୍ରୀଙ୍କୁ ସୁରକ୍ଷା ଦେବାକୁ ଏ ଆନ୍ଦୋଳନ ।

ହୁ ହୁ ହୋଇ ବଢ଼ୁଛି ଦରଦାମ । କିଣିବା ତ ଦୂର କଥା ଦେଖିଲେ ବି ଡର ଲାଗୁଛି । ତୈଳଦର, ଗ୍ୟାସ୍ ଓ ଅତ୍ୟାବଶ୍ୟକୀୟ ସାମଗ୍ରୀର ଦରବୃଦ୍ଧି ଜନତାଙ୍କୁ ଭାରି ବାଧୁଛି । କେନ୍ଦ୍ର ସରକାରଙ୍କ ଭୁଲ୍ ଆର୍ଥିକ ପରିଚାଳନା ନୀତି ଯୋଗୁଁ ବଢ଼ି ଚାଲିଛି ଦରଦାମ । ଏହାର ବିରୋଧ କରି ଆନ୍ଦୋଳନକୁ  ଓହ୍ଲାଇଛି ବିଜେଡି । ଆଜି ବିଜେଡି ପକ୍ଷରୁ ରାଜଭବନ ଆଗରେ ବିକ୍ଷୋଭ ଓ ପ୍ରତିବାଦ ସଭା କରାଯାଇଛି । ଏଥିରେ ସଂଖ୍ୟାଧିକ ମହିଳା ସାମିଲ୍ ହୋଇ ବିରୋଧ ପ୍ରଦର୍ଶନ କରିଛନ୍ତି ।
ମହିଳା ବିଜେଡି କର୍ମୀ ଦରଦାମ ବୃଦ୍ଧିର ତୀବ୍ର ବିରୋଧ କରିଛନ୍ତି । ଗ୍ୟାସ୍ ସିଲିଣ୍ଡର ମୁଣ୍ଡାଇବା ସହ ରାସ୍ତା ଉପରେ ଚୂଲି ଜାଳି ବିଜେଡି ପ୍ରତିବାଦ କରିଛି । ଗଣଧାରଣା ଦେବା ସହ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ରାଜ୍ୟପାଳଙ୍କୁ ସ୍ମାରକ ପତ୍ର ଦେଇଛି ଦଳ । ନଭେମ୍ବର ପହିଲାରେ ଦରଦାମ ବୃଦ୍ଧିକୁ ବିରୋଧ କରି ୧୪୭ଟି ନିର୍ବାଚନ ମଣ୍ଡଳୀରେ ମହିଳା ବିଜେଡି ପକ୍ଷରୁ ପ୍ରତିବାଦ ସଭା କରାଯିବ । ୫ ତାରିଖରୁ ୭ ତାରିଖ ଯାଏଁ ପେଟ୍ରୋଲ ଓ ଡିଜେଲ୍ ଦର ବୃଦ୍ଧିକୁ ବିରୋଧ କରି ବିଜୁ ଯୁବ ଛାତ୍ର ସଂଗଠନ ପକ୍ଷରୁ ପେଟ୍ରୋଲ ପମ୍ପ ସମ୍ମୁଖରେ ଧାରଣା ଓ ପ୍ରତିବାଦ ସଭା ହେବ ।

Powered by Froala Editor