ଫେରିବେନି ପାୱାରଷ୍ଟାର : ରାଷ୍ଟ୍ରୀୟ ମର୍ଯ୍ୟାଦା ସହ ଶେଷକୃତ୍ୟ ସମ୍ପନ୍ନ
୪୬ ବର୍ଷ ବୟସରେ ପାୱାରଷ୍ଟାର କନ୍ନଡ ଅଭିନେତା ପୁନିତଙ୍କ ମୃତ୍ୟୁରେ ପୂରା ସାଉଥ ଇଣ୍ଡଷ୍ଟ୍ରି ଠାରୁ ଆରମ୍ଭ କରି ବଲିଉଡ ଇଣ୍ଡଷ୍ଟ୍ରିକୁ ଶକ୍ତ ଝଟକା ଲାଗିଛି। ପରିବାର, ପ୍ରିୟଜନ ଓ ହଜାର ହଜାର ଫ୍ୟାନ୍ଙ୍କ ଗ୍ରହଣରେ ପୁନିତଙ୍କୁ ଦିଆଯାଇଛି ଶେଷ ବିଦାୟ। ବେଙ୍ଗାଳୁରୁର କାନ୍ତିରବା ଷ୍ଟାଡିୟରେ ରାଷ୍ଟ୍ରୀୟ ମର୍ଯ୍ୟାଦା ସହ ପୁନିତଙ୍କ ଶେଷକୃତ୍ୟ ହୋଇଛି। ବାପା ରାଜକୁମାରଙ୍କ ସମାଧୀ ନିକଟରେ ଚିରନିଦ୍ରାରେ ଶୋଇଛନ୍ତି ପୁନିତ ରାଜକୁମାର।
ପୁନିତଙ୍କୁ ଶେଷ ଥର ପାଇଁ ଦେଖିବାକୁ କର୍ଣ୍ଣାଟକର ବହୁ ବରିଷ୍ଠ ନେତା, ସହ ସାଉଥ ଫିଲ୍ମ ଇଣ୍ଡଷ୍ଟ୍ରିର ପ୍ରାୟ ସମସ୍ତ ଅଭିନେତା, ଅଭିନେତ୍ରୀ ପହଞ୍ଚିଥିଲେ। କେବଳ ସେତିକି ନୁହେଁ ତାଙ୍କର ଲକ୍ଷ ଲକ୍ଷ ଫ୍ୟାନ୍ମାନେ ମଧ୍ୟ ତାଙ୍କୁ ଶେଷଥର ଦେଖିବା ପାଇଁ ଭିଡ ଜମାଇଥିଲେ। କର୍ଣ୍ଣାଟକ ମୁଖ୍ୟମନ୍ତ୍ରୀ ବାସବରାଜ ବୋମାଇ ବି ସମାଧୀ ସ୍ଥଳରେ ଉପସ୍ଥିତ ଥିଲେ।
ଶୁକ୍ରବର ଅପରାହ୍ଣରେ ପୁନିତଙ୍କୁ ହୃଦ୍ଘାତ ହୋଇଥିଲା। ଏହାପରେ ତାଙ୍କୁ ବିକ୍ରମ ହସ୍ପିଟାଲରେ ଭର୍ତ୍ତି କରାଯାଇଥିଲା। ଡାକ୍ତରମାନେ ପୂରା ଚେଷ୍ଟା କରିବା ପରେ ବି ପୁନିତଙ୍କୁ ବଞ୍ଚାଇ ପାରିନଥିଲେ। ତାଙ୍କ ହଠାତ ମୃତ୍ୟୁ ଖବର ସମସ୍ତଙ୍କୁ ଚକିତ କରିଦେଇଥିଲା।
Powered by Froala Editor
