ଏହି ଫିଲ୍ମ ପାଇଁ ଗୀତ ଗାଇବେ ହ୍ରିତିକ୍, ପଢ଼ନ୍ତୁ ରିପୋର୍ଟ...
ମୁମ୍ବାଇ: ବଲିଉଡ୍ ସୁପରଷ୍ଟାର ହ୍ରିତିକ୍ ରୋଶନଙ୍କୁ ଖୁବ୍ଶୀଘ୍ର ଏକ ଭିନ୍ନ ଅନ୍ଦାଜ୍ରେ ଦେଖିବାକୁ ପାଇବେ ଦର୍ଶକ । ଅଭିନୟ ସହିତ ସେ ଫିଲ୍ମରେ କରିବେ କଣ୍ଠଦାନ । ଏହି ଖବର ଜାଣିବା ପରେ ଏବେ ଫ୍ୟାନ୍ମାନଙ୍କ ମଧ୍ୟରେ ବଢ଼ି ଯାଇଛି ଉତ୍କଣ୍ଠା । ଅନେକ ତାଙ୍କୁ ଶୁଭେଚ୍ଛା ବି ଜଣାଇଛନ୍ତି ।
ଶୁଣିବାକୁ ମିଳୁଛି ହ୍ରିତିକ୍ କ୍ରିସ୍-୪ ପାଇଁ ଗୀତ ଗାଇବେ । ନିକଟରେ ଫିଲ୍ମର ସଙ୍ଗୀତ ନିର୍ଦ୍ଦେଶକ ରାଜେଶ ରୋଶନ ଏକ ସାକ୍ଷାତକାରରେ ସିନେମା ବିଷୟରେ କିଛି ତଥ୍ୟ ସେୟାର କରିଥିଲେ । ଏଥିରେ ସେ କହିଥିଲେ, ଏବେ କ୍ରିସ୍-୪ ଲାଗି ସ୍କ୍ରିପ୍ଟ ଲେଖା ଚାଲିଛି । ଯାହା ଶେଷ ହେବାକୁ ଆଉ କିଛିଦିନ ଲାଗିବ । ସ୍କ୍ରିପ୍ଟ ଲେଖା ଶେଷ ହେବା ପରେ ତୁରନ୍ତ ଗୀତ ରେକର୍ଡିଂ ଆରମ୍ଭ ହେବ । ଏହି ଫିଲ୍ମରେ ହ୍ରିତିକ୍ କଣ୍ଠଦାନ କରିବେ । ଜୁନ୍ ୨୩ରେ ହ୍ରିତିକ୍ କ୍ରିସ୍-୪ ବିଷୟରେ ଘୋଷଣା କରିଥିଲେ । ଏହାପରଠୁ ଦର୍ଶକଙ୍କ ମଧ୍ୟରେ ଉତ୍କଣ୍ଠା ବଢ଼ି ଯାଇଛି । ବର୍ତ୍ତମାନ ହ୍ରିତିକ୍ ତାଙ୍କ ଅପ୍ କମିଂ ଫିଲ୍ମ ମୁଭି ଫାଇଟର୍ ଓ ବିକ୍ରମ ଦେବ ସୁଟିଂରେ ବ୍ୟସ୍ତ ଅଛନ୍ତି । ଏହାର ସୁଟିଂ ଶେଷ ହେବା ପରେ ସେ କ୍ରିସ୍-୪ ପାଇଁ କାମ କରିବେ ବୋଲି ଶୁଣିବାକୁ ମିଳୁଛି ।
Powered by Froala Editor
