ଆସୁଛନ୍ତି ‘ବିଜୟିନୀ’
ପୁଣି ଥରେ ମହିଳା ସଶକ୍ତିକରଣର କଥାବସ୍ତୁକୁ ନେଇ ଆସୁଛି ନୂଆ ଓଡ଼ିଆ ଚଳଚ୍ଚିତ୍ର ବିଜୟିନୀ। ଯାହାର ମୁଖ୍ୟ ବିଜୟିନୀ ଚରିତ୍ରରେ ନିଜେ ବର୍ଷା ଅଭିନୟ କରିଛନ୍ତି । ଗୋଟିଏ ଛୋଟ ସହରର ଝିଅ ବିଜୟିନୀ କେମିତି ଲୋକଙ୍କ ସେବା କରିବାର ଅଭିଳାଷକୁ ପୂରଣ କରିବାକୁ ଯାଇ ବିଭିନ୍ନ ସମସ୍ୟାକୁ ସାମ୍ନା କରୁଛି । ତାକୁ ସେ ବିଜୟିନୀରେ ଦେଖାଇଛନ୍ତି । ଏନେଇ ବର୍ଷା କହିଛନ୍ତି, 'ସିନେମାର ନିର୍ମାଣର ଅନୁଭୂତି ମୋ ପାଇଁ ସର୍ବଦା ସ୍ମରଣୀୟ ହୋଇ ରହିବ' । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଓଲିଉଡର ଜଣାଶୁଣା ନିର୍ଦ୍ଦେଶକ ସୁଧାକର ବସନ୍ତ । କାହାଣୀ ଏବଂ ଚିତ୍ରନାଟ୍ୟ ରଚନା ସହ କ୍ରିଏଟିଭ୍ ହେଡ୍ ଭାବେ କାମ କରିଛନ୍ତି ନିଜେ ବର୍ଷା । ଅନ୍ୟତମ ମୁଖ୍ୟ ଚରିତ୍ରରେ ନାୟକ ଦେବାଶିଷ ପାତ୍ରଙ୍କ ସମେତ ହାସ୍ୟାଭିନେତା ପ୍ରଜ୍ଞା-ଶଙ୍କରଙ୍କ ଯୋଡ଼ି ସହ ଅଭିନେତା ପପି ସନ୍ତୁକା, ଧୀର ମଲ୍ଲିକ, ସରୋଜ ଦାସ, ବିକ୍ରମ ମହାନ୍ତି, ଶ୍ରୀରାମ, ଅଭିନେତ୍ରୀ ତୃପ୍ତି ସିହ୍ନା, ମାମା, ପୁଷ୍ପା, ଶୋଭା ରାଉତ ପ୍ରମୁଖ ଅଭିନୟ କରିଛନ୍ତି ।
Powered by Froala Editor
