ଡିସେମ୍ବରରେ ବିବାହ କରିବାକୁ ଯାଉଛନ୍ତି କ୍ୟାଟ୍ରିନା କୈଫ ଓ ଭିକି କୌଶଲ । ଏଭଳି କିଛି ଖବର ଏବେ ବି-ଟାଉନରେ ଘୂରି ବୁଲୁଛି । ଉଭୟ ଲୁଚାଛପାରେ ନିର୍ବନ୍ଧ କରିଥିବା କଥା କିଛି ଦିନ ପୂର୍ବରୁ ଶୁଣିବାକୁ ମିଳିଥିଲା । ଏବେ ଡିସେମ୍ବରରେ ବାହାଘର ହେବେ ବୋଲି ସୂଚନା ମିଳିଛି । ଯଦିଓ ଉଭୟ ଏନେଇ ପାଟି ଖୋଲି ନାହାନ୍ତି । କିନ୍ତୁ ଅସମର୍ଥିତ ସୂତ୍ରରୁ ଏ ଖବର ଉଡିବୁଲୁଛି । ଶୁଣିବାକୁ ମିଳୁଛି ସେମାନଙ୍କ ବିବାହ ଡ୍ରେସ ମଧ୍ୟ ପ୍ରସ୍ତୁତ ରହିଛି।

ନିକଟରେ ଭିକିଙ୍କ ଫିଲ୍ମ 'ସର୍ଦ୍ଦାର ଉଦାମ'ର ସ୍କ୍ରିନିଂରେ କ୍ୟାଟ୍ରିନାଙ୍କୁ ଦେଖିବାକୁ ମିଳିଥିଲା। ଦୁହେଁ ପରସ୍ପରକୁ ଆଲିଙ୍ଗନ କରିବାର କ୍ଲିପ ମଧ୍ୟ ଭାଇରାଲ ହୋଇଥିଲା। କରଣ ଜୋହରଙ୍କ ଚାଟ୍ ସୋ'ରେ କରଣ ଭିକିଙ୍କୁ ପଚାରିଥିଲେ ତାଙ୍କ ଯୋଡି କାହା ସହିତ ଭଲ ଦେଖାଯିବ? ଏହା ଉପରେ ସେ କ୍ୟାଟ୍ରିନା ଭିକିଙ୍କ ନାମ ନେଇଥିଲେ। ତା' ପରଠାରୁ ଉଭୟଙ୍କୁ ଅନେକ ଆୱାର୍ଡ ଶୋ ଏବଂ ଇଭେଣ୍ଟରେ ଏକାଠି ଦେଖିବାକୁ ମିଳିଛୁ । ବର୍ତ୍ତମାନ ପ୍ରଶଂସକମାନେ ଉତ୍ସାହର ସହିତ ସେମାନଙ୍କ ବିବାହକୁ ଅପେକ୍ଷା କରିଛନ୍ତି । ଖବର ସତ କି ନୁହେଁ ତାହା ପରେ ନିଶ୍ଚିତ ଜଣାପଡିବ।

ସୂଚନାଯୋଗ୍ୟ, ସେଲିବ୍ରିଟି ମ୍ୟାନେଜର ରେଶମା ଶେଟ୍ଟୀଙ୍କ ଘରେ କ୍ୟାଟ୍ରିନା କୈଫ୍ ଏବଂ ଭିକି କୌଶଲ ଏକାଠି ନଜର ଆସିଥିଲେ। ଭିକି ଏବଂ କ୍ୟାଟ୍ରିନା ମଙ୍ଗଳବାର ରାତିରେ ଅଲଗା କାରରେ ଯାଇ ଅଲଗା ଗାଡିରେ ଫେରିଥିଲେ। ଉଭୟଙ୍କୁ ଦେଖି ଏବେ ଗସିପ୍ ଆରମ୍ଭ ହୋଇଯାଇଛି । ଦୁହେଁ ଡିସେମ୍ବରରେ ଉଭୟ ବିବାହ କରିବାକୁ ଯାଉଛନ୍ତି ବୋଲି ଗୁଜବ ଚାଲିଛି । ତେବେ କ୍ୟାଟ୍ରିନାଙ୍କ ଟିମ୍‌ ଏବଂ ଭିକି କୌଶଲ ଏହି ରିପୋର୍ଟକୁ ଅସ୍ୱୀକାର କରିଛନ୍ତି।

Powered by Froala Editor