ବାଣ ନଫୁଟାଇବାକୁ ପରାମର୍ଶ ଦେଇ ବିବାଦରେ ଅମିର
![ବାଣ ନଫୁଟାଇବାକୁ ପରାମର୍ଶ ଦେଇ ବିବାଦରେ ଅମିର](https://odishanewslens.com/news_gallery/7313_1634889619.jpg)
ସିଏଟର ଏକ ବିଜ୍ଞାପନରେ ଦୀପାବଳିରେ ବାଣ ନଫୁଟାବାକୁ ପରାମର୍ଶ ଦେଇ ବିବାଦ ଘେରକୁ ଟାଣି ହୋଇଛନ୍ତି ଅମିର ଖାନ୍। ଏନେଇ ପ୍ରଶ୍ନ ଉଠାଇଛନ୍ତି ବିଜେପି ସାଂସଦ ଅନନ୍ତକୁମାର ହେଗଡେ । ଏହାକୁ ବିରୋଧ କରି ହେଗଡେ କହିଛନ୍ତି ସବୁବେଳେ ହିନ୍ଦୁଙ୍କୁ କାହିଁକି ଟାର୍ଗେଟ କରାଯାଉଛି । କମ୍ପାନୀର ଏମଡି ଏବଂ ସିଇଓ ଅନନ୍ତ ବର୍ଦ୍ଧନଙ୍କୁ ମଧ୍ୟ ଏ ନେଇ ସେ ଚିଠି ଲେଖିଛନ୍ତି । ଏହି ବିଜ୍ଞାପନ ପ୍ରତି ଧ୍ୟାନ ଦିଅନ୍ତୁ, କାରଣ ଏହା ହିନ୍ଦୁମାନଙ୍କ ମଧ୍ୟରେ ଅଶାନ୍ତି ସୃଷ୍ଟି କରୁଛି । ବାଣ ନ ଫୁଟାଇବା ପାଇଁ ପରାମର୍ଶ ଦେବା ନିଶ୍ଚିତ ଭାବେ ଭଲ ବାର୍ତା । ତେବେ ଆପଣ ଶୁକ୍ରବାର ରାସ୍ତା ଅବରୋଧ କରି ନମାଜ ପଢ଼ିବା, ସକାଳୁ ମସଜିଦରୁ ଆସୁଥିବା ଅଜନ ନେଇ ମଧ୍ୟ ସଚେତନତା ସୃଷ୍ଟି କରାଯାଇ ପାରିବ । ଏହା ବି ସାଧାରଣ ଲୋକଙ୍କୁ ଅସୁବିଧାରେ ପକାଉଛି ବୋଲି ହେଗେଡ ଲେଖିଛନ୍ତି ।
ବିଜେପି ନେତା ଆହୁରି କହିଛନ୍ତି ଯେ, କମ୍ପାନୀ ଯେଉଁ ସମସ୍ୟା କଥା କହୁଛି ତାହା ସମ୍ବେଦନଶୀଳ ଓ ହିନ୍ଦୁ ସମୁଦାୟ ସହ ତାହାର ସମ୍ପର୍କ ରହିଛି । ଦୀର୍ଘଦିନ ଧରି ହିନ୍ଦୁଙ୍କ ସହ କରାଯାଉଥିବା ଭେଦଭାବ ଉପରେ ମଧ୍ୟରେ କମ୍ପାନୀ ଦୃଷ୍ଟି ଦେବ ବୋଲି ସେ ଆଶା ରଖିଛନ୍ତି । ହିନ୍ଦୁ ବିରୋଧି ଅଭିନେତାଙ୍କ ଏକ ସମୁଦାୟ ସର୍ବଦା ହିନ୍ଦୁଙ୍କୁ ଅପମାନ କରିଥାଏ । ନିଜ ସମୁଦାୟର ଭୁଲ ସେମାନଙ୍କୁ ଦେଖାଯାଏ ନାହିଁ । ତେବେ ଭବିଷ୍ୟତରେ କମ୍ପାନୀ ଏସମସ୍ତ ପ୍ରସଙ୍ଗ ଉପରେ ଧ୍ୟାନ ଦେବ ବୋଲି ସେ ଆଶା ରଖିଥିବା ଚିଠିରେ ଉଲ୍ଲେଖ କରିଛନ୍ତି ।
Powered by Froala Editor