ଲଜ୍ୟାଜନକ ଘଟଣା, ଲିଫ୍ଟ ବାହାନାରେ ମହିଳାଙ୍କୁ ଗଣଦୁଷ୍କର୍ମ
ରାଇରଙ୍ଗପୁର: ଲିଫ୍ଟ ଦେବା ବାହାନାରେ ୫୫ ବର୍ଷିୟା ମହିଳାଙ୍କୁ ଗଣଦୁଷ୍କର୍ମ ଅଭିଯୋଗ । ଏଭଳି ଲଜ୍ୟାଜନକ ଘଟଣା ଘଟିଛି ମୟୂରଭଞ୍ଜ ଜିଲ୍ଲା ରରୁଆଁ ଥାନା ଅନ୍ତର୍ଗତ ଭଣ୍ଡନ ନଦୀ କୂଳରେ।
ଗତକାଲି ବୃଦ୍ଧ ମହିଳା ଜଣଙ୍କ ଶୁକୃଳି ସାପ୍ତାହିକ ହାଟରୁ ସନ୍ଧ୍ୟା ସମୟରେ ଫେରୁଥିବା ବେଳେ ଗାଁରେ ଛାଡି ଦେବାକୁ କହି ଦୁଇଜଣ ଯୁବକ ଏକ ବାଇକ ଯୋଗେ ତାଙ୍କୁ ଭଣ୍ଡନ ନଦୀ କୂଳକୁ ନେଇ ଯାଇଥିଲେ । ଏହାପରେ ସେଠାରେ ୭ ରୁ ୮ ଜଣ ଯୁବକ ତାଙ୍କୁ ଗଣଦୁଷ୍କର୍ମ କରି ଘଟଣାସ୍ଥଳରୁ ଫେରାର ହୋଇଯାଇଥିଲେ ।ପୀଡିତା ଜଣଙ୍କ ରରୁଆଁ-ଶୁକୃଳି ରାସ୍ତାରେ କାନ୍ଦୁଥିବାର ଦେଖି ପାଖ ଲୋକ ଅଗ୍ନିଶମ ବିଭାଗକୁ ଖବର ଦେଇଥିଲେ । ଏନେଇ ଘଟଣାସ୍ଥଳରେ ଅଗ୍ନିଶମ ବିଭାଗ ପହଞ୍ଚି ମହିଳା ଜଣଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ । ତେବେ ମହିଳାଙ୍କୁ ପାଶବିକ ଅତ୍ୟାଚାର ହୋଇଥିବା ଡାକ୍ତର ସୂଚନା ଦେଇଛନ୍ତି । ଅନ୍ୟପଟେ ରରୁଆଁ ଥାନା ପୋଲିସ ଘଟଣା ସମ୍ପର୍କରେ ଅବଗତ ହେବା ପରେ ଛାନଭିନ ଆରମ୍ଭ କରିଛି।
Powered by Froala Editor
