ବର୍ଷେ ପରେ ଝିଅର ଭିଡିଓ ସେୟାର କଲେ ଶ୍ରୀୟା
ବର୍ଷେ ପରେ ଫ୍ୟାନଙ୍କ ସହ ଖୁସି ସେୟାର କରିଛନ୍ତି ଅଭିନେତ୍ରୀ ଶ୍ରୀୟା ସରନ । ୨୦୨୦ ରେ ସେ ଏକ କନ୍ୟା ସନ୍ତାନକୁ ଜନ୍ମ ଦେଇଥିଲେ । କିନ୍ତୁ ବର୍ଷେ ପରେ ଏକ ଭିଡିଓ ସେୟାର କରିଛନ୍ତି । ଯେଉଁଥିରେ ସେ ଲେଖିଛନ୍ତି ‘‘ଆମକୁ ଆମ ଜୀବନରେ ଏକ ପରୀ ମିଳିବାର ସୌଭାଗ୍ୟ ମିଳିଛି।’ ଅଭିନେତ୍ରୀ ସେୟାର କରିଥିବା ଭିଡିଓରେ ସେ ତାଙ୍କ ସ୍ୱାମୀ ଆଣ୍ଡ୍ରେଇ କୋଶେଭ ଓ ଝିଅ ସହ ଖେଳୁଥିବା ନଜର ଆସିଛନ୍ତି। ଭିଡିଓରେ ଏହା ଦେଖିବାକୁ ମିଳିଛି ଯେ ଆଣ୍ଡ୍ରେଇ କପ୍ରେ କିଛି ପିଉଛନ୍ତି ଏବଂ ଶ୍ରୀୟା ତାଙ୍କ ଝିଅକୁ କୋଳରେ ଖାଇବାକୁ ଦେଉଛନ୍ତି। ତା’ପରେ ଆଣ୍ଡ୍ରେଇ ଉଠିପଡି ଝିଅକୁ ସେହି କପରୁ ପିଇବାକୁ ଚେଷ୍ଟା କରଛନ୍ତି ଏବଂ ଦୁହେଁ ନିଜ ଝିଅକୁ ବହୁତ ପ୍ରେମ କରୁଛନ୍ତି।
ସୂଚନା ଯେ, ଶ୍ରୀୟା ୨୦୧୮ ରେ ରାଜସ୍ଥାନରେ ଆଣ୍ଡ୍ରେଇଙ୍କୁ ବିବାହ କରିଥିଲେ। ସେମାନେ ପ୍ରଥମ ଥର ମାଲଦ୍ୱୀପରେ ଭେଟିଥିଲେ। ସେ ତାଙ୍କ ସ୍ୱାମୀଙ୍କ ସହ ସ୍ପେନର ବାର୍ସିଲୋନାରେ ରହି ୨୦୨୦ ମସିହାରେ ଭାରତ ଫେରିଥିଲେ।
Powered by Froala Editor
