ନିଜ ପ୍ରଥମ କାର୍କୁ ନେଇ ଭାବପ୍ରବଣ ହେଲେ ଧର୍ମେନ୍ଦ୍ର
ଦିଲଦାର ଅଭିନେତା ଧର୍ମେନ୍ଦ୍ର ଫ୍ୟାନ୍ଙ୍କ ସହ ନିଜ ପ୍ରଥମ କାର୍ର ଭିଡିଓ ସେୟାର କରିଛନ୍ତି । ଧର୍ମେନ୍ଦ୍ର ଇନଷ୍ଟାଗ୍ରାମରେ ଭିଡିଓ ସେୟାର କରିଛନ୍ତି ଯେଉଁଥିରେ ସେ ତାଙ୍କ କାର ପାଖରେ ଠିଆ ହୋଇଥିବା ନଜର ଆସିଛନ୍ତି। ସେ ଭିଡିଓରେ କହୁଛନ୍ତି, ‘ନମସ୍କାର ବନ୍ଧୁଗଣ, ମୋର ପ୍ରଥମ କାର। ମୁଁ ଏହାକୁ ମାତ୍ର ୧୮ ହଜାର ଟଙ୍କାରେ କିଣିଥିଲି। ସେହି ସମୟରେ ୧୮ ହଜାର ଟଙ୍କା ବିପୁଳ ପରିମାଣର ଥିଲା। ମୁଁ ଏହାକୁ ବହୁତ ସମ୍ଭାଳି ରଖିଛି। ଭଲ ଦେଖାଯାଉଛି କି? ପ୍ରାର୍ଥନା କର ଯେ ଏହା ସର୍ବଦା ମୋ ସହିତ ରହୁ। ‘
ଏହି ଭିଡିଓର କ୍ୟାପସନରେ ଅଭିନେତା ଲେଖିଛନ୍ତି, ‘ଫ୍ରେଣ୍ଡସ୍, ଫିଆଟ ମୋର ପ୍ରଥମ କାର୍, ମୋ ହୃଦୟର ଅତି ନିକଟତର। ଜଣେ ସଂଘର୍ଷକାରୀଙ୍କ ଜୀବନରେ ଈଶ୍ବରଙ୍କ ଆଶୀର୍ବାଦ। ଏକ ସାକ୍ଷାତକାରରେ ଧର୍ମେନ୍ଦ୍ର ନିଜକୁ’ ଇମେସନାଲ ଫୁଲ ‘ବୋଲି କହିଥିଲେ। ସେ କହିଥିଲେ, ‘ମୋର ପ୍ରଥମ କାର୍ ଫିଆଟକୁ ନେଇ ମୁଁ ଅତ୍ୟଧିକ ଭାବପ୍ରବଣ ହୋଇପଡିଛି।’
ଏହାସହ ସେ ନିଜର କିଛି ଅନୁଭୂତି ବାଣ୍ଟିଛନ୍ତି । ତାଙ୍କର ଏହିି ଭିଡିିଓକୁ ଫ୍ୟାନ୍ ବହୁତ ପସନ୍ଦ କରିଛନ୍ତି । ଏହା ପୂର୍ବରୁ ମଧ୍ୟ ଧର୍ମେନ୍ଦ୍ର ଫ୍ୟାନ୍ଙ୍କ ସହ ତାଙ୍କ ଜୀବନର କିଛି କିଛି ଜିନିଷ ସେୟାର କରିଛନ୍ତି । ଫିଲ୍ମର କାହାଣୀ କହିଥିଲେ । ଏପରିକି ପୂର୍ବରୁ ଏକ ଭିଡିଓରେ ସେ ତାଙ୍କର ଫାର୍ମ ହାଉସ ଦେଖାଇଥିଲେ ।
Powered by Froala Editor
